عندما تتغير الاقدار

البارت الاول

                    ... عندما تتغير الاقدار ...

للكاتبة قمر 💁

كعدت ع صوت الموبايل فتحت عيوني وضليت افرك بيهن بنعاس باوعت للاسم شفت ليث دا يتصل

كارين...الووو

ليث...شنو نايمه

كارين...اي حبيبي

ليث...شوكت رجعتي من الامتحان وجاوبتي لا

كارين...قبل نص ساعه رجعت وفرحانه كولش لان خلصت امتحانات

ليث... لتتهربين من سؤالي كتلج جاوبتي لو لا

كارين...اني سويت العليه الباقي يم الله

ليث...بعدين حسابج وهسه اني حيل مشتاقلج واريد اشوفج طول فترت امتحاناتج تركتج براحتج ما ردت اشغلج عن دراستج

كارين...بس لو تعرف شكد مشتاقتلك اساسا اني اريد اشوفك شنو رأيك باجر العصر نلتقي

ليث... بأي وقت تحبين اهم شي اشوفج

كارين...ماشي لعد متفقين باجر نطلع سوه اروح للمطعم او المنتزه بكيفك

ليث...ماشي نشوف منا الباجر

كارين...وانته وين هسه

ليث...بشغل وين يعني

كارين...ها ماشي

ليث...يله روحي كملي نومتج

كارين...ماشي باي حبيبي دير بالك ع نفسك

ليث...وانتي هم

سديته من عنده وكمت نزلت جوه لان اني بس واحد يكعدني اطير نومتي

جانت الساعه بالربعه العصر...

لكيت امي كاعده تغسل بالصبا رحت بستها

جنان ام كارين....هلا ابنتي هلا بالي راح ترفع راسي

كارين...شنو هل دلال كوله اليوم

جنان...اي غير بنيتي الوحيده شعندي غيرج جاوبتي اليوم

كارين...اي ماما بقت يم الله

جنان..ادري بيج اطيرين عيون

كارين...اطير عيون ع صديقاتي مو ع اهلي المهم ماما صالي سنة بضيم مال الدراسه ما استاهل طلعه سفره

جنان...وين تدرين ناخذج

كارين...اريد اطلع باجر ويه صديقاتي

جنان...كلي الابوج اذا قبل طلعي اني تدرين بيه ما ارفض وهم احنى محضريلج مفاجئه حلوه ع عيد ميلادج

كارين طفرت بفرحة.... عليج الله كولي شنو

جنان...ميصير ماما تخرب

بعد ما نص ساعه ضليت الح عليها كالت

جنان...ابوج حجز ع سفره الاربيل ع الاسبوع اليجي