عندما تتغير الاقدار

البارت الاخيييير

بقلمي الكاتبة قمر 💁‍♀️🦋❤

لاتنسون التصويت👈⭐❤

-

على كيفك
ترا بس الله الجبير
باوعنه وشوفنه شمحلانة
نحير بيمن بالدراسه نحير بيك
ترا والله گلوبنه خلصانة
اثگال ونحب بثگل
لكن نروح فدوة
يم عيونك النعسانة

طلع وتركنه مذهولين عمي ضل يدك ع راسه وثائر بقه مصدوم نريد نستوعب ما جاي نكدر صح مريم عدها سوالف مو حلوه بس مستحيل هيج اسوي لان هيه اربعه وعشرين ساعه بالبيت وحتى من نطلع تطلع ويانه للحضه ثائر هجم عليها صار يضرب بيها بكل وحشيه حسيتها راح تموت ع ايده والي يقهرك محد منهم فزعلها ولا انكسر خاطره عليها حتى خواته يكلله اكتلها خلصنه من عارها

انكسر كلبي رحت نمت عليها حتى ميضبرها بس هوه جان فاقد جرني ركعني بالكاع حتى بطني وجعتني كمت ابجي عليها ومن غير شي بطني وجعتني حيل كمت اصيح ....ثائر الحكلي الطفل راح يموت اخخخ

تركها وجه ملهوف عليه ....كاريني شبيج لج انتي شلون هيج ادافعيلها خليتني ادفعج امشي اخذج للمستشفى

كارين كمت احجي بتقطع كتله... ل لا ع عو عوفني م مابيه شي بس مريم لش لشيل خطيتها وتكتلها خ خلي ن نتأكد من ك كلامه اول

ثائر سكتت ما حجه شي بس عمي رفض كال ع شنو نتأكد ع صخام وجهنه ونغرك الغركااان اكثر عمتي ضلت تلح عليه انجيبلها مره تكشف عليها كالت بنتي مستحيل اسوي هيج شي

وفعلا اتصلت ع مره تعرفها اجتي للبيت شالت مريم طببتها للغرفه شوي وطلعت وحنه كلنه منتضرين جوابها كالت بيتكم طاهره ومابيها اي عيبه بس نوع الغشاء مالتها خلاهم يضنون مو بت

احنى كلنه فرحنه من سمعناها هيج كالت بس فرحه بغصه خطيه ماتت فرحتها بيوم عرسها طبينه جوه نريد نكومها ماعت روحها ركضوا بيها للمستشفى للفجر يله طلعوها وعرفنا من عمي ما اقتنع بكلام المره وهناك خله دكتوره هم تكشف عليها وطلع نفس الكلام للضهر وصل الخبر الرجلها اجه معتذر وطلب يرجعها عمي ما قبل بس رد علي رجلها كله اي واحد ممكن يصرف تصرفي من يعرف بمرته هيج ومن بين مؤيد ورافض رجعنه مريم اله رغم هيه جانت ما قابله

بعد مرور ست اشهر عرفت جنس الطفل وطلع ولد ثائر والبقيه طاروا من الفرحة

بهل فتره اني وثائر احلا ما يكون مداريني مداراة مو طبيعية يخاف عليه حتى من الهوه رغم سها دائما اسوينه مشاكل بس اني كمت انطيها اذن الطرشه

بنسبه الدراستي قررت اترك هل سنه بسبب حملي لان بيمن احير بابني الي راح يجي بطريق انشالله لو بدراستي وبالخص اني صيدله وصعبه فا قررت ع السنه التجي ارجع

للعصر كاعدين نغسل بالصبا والجو بارد والدنيا مغيمه بيها مطره والهوه يطير بشعر طبعا احب كولش هيج اجواء واني وزينب كاعدين نبربش بالماي شافتنه عمتي صاحت بينه ....ولجن طبن لتتمرضن بهل برد