...عندما تتغير الاقدار ...
بقلمي الكاتبة قمر 💁❤
لاتنسون التصويت 👈🏻⭐❤
خليتني بديرة غرب....
مالوم والمدمع يگت....
يالرسمك بعيني انطبع....
راحت عيوني وما رحت....
وره شي نص ساعه اجه ثائر اول ما طب كلها راحت عليه تريد تعرف نتيجتي واني كلبي دكاته تسمع شفته حاط عينه بالموبايل او وجهه ميتفسر
باوعلي بتفاجئ وكال....مبروك دكتورة
كارين شعوري بوكتها مينوصف كبل نزلت دمعتي بس هل مره دموع الفرح ركضت عليه ورفعت رجليه حتى اصير بطوله وشوف درجاتي هوه ابتسم ونطاني الموبايل ضليت اكلب بيهن درجة درجة ودقق بأسمي اييي هاي اني انيي الابتسامة ملت وجهي
كبل رحت حضنت زينب وهيه هم فرحت ع فرحتي وبست راس بيبتي او بست ايد عمي وباركولي كولهم حتى من فرحتي حضنت مريم
سمعت ثائر يكول بصوت ناصي يم اذاني....واني ما الي شي ع البشارة
خجلت ع كلامة ودنكت
همام...عفية بشطورة طلعتي مو هينه
زينب...احلا دكتورة والله
الحجية...اي يله حتى تعاجلين مفاصلي
ضحكت ع كلامهم وترخصت منهم وصعدت فوك والفرحة ماليه وجهي رحت الغرفتي
فرشت سجاتي وصليت صلاة الشكر ورفعت ايدي وشكرت ربي وبجيت لان تمنيت اهلي يكونون وياي بهل لحضة الجانو منتضريها 12 سنة
جان بابا يكلي افتحلج صيدلية بصف العيادة مالتي
وليث دائما جان وياي ويشجعني ويكولي اذا مطلعين معدل عالي ازعل منج
اذكرت موقف اني وليث
كارين...ديله ماما وين الاكل
الام...هاج اخذي وديري بالج لتبدي
اخذت الصينيه من امي وبعلاكه شايله كتبي دا اريد اروح اقره يم ليان
وصلت يم باب بيتنه قبل ما افتحها حطيت الصينية بالكاع كرصت خدودي حتى يصيرن حمر وعدلت شعري وطلعت كذله
ورحت شايله الصينيه دكيت الباب محد رد سمعت صوت سيارة طبكت درت وجهي شفته ليث نزل بهيبته وجماله وضخامته ولابس الزيي العسكري والمسدس حاطة بخصره وجه عليه ابتسملي وكال... شنو محد فتحلج الباب
اني كبل تخورست جنت كل ما اشوفه او اسمع صوته اخاف وكلبي يصير يدك سريع ما جنت اعرف انو هذه حب
كارين بتوتر... اي شنو ماهيه ليان
ليث... هسه نشوف
تقرب على الباب حتى يفتحها اني كبل ادنيت فتح الباب وأشرلي انطي الصينيه انطيتها اله وضليت واكفه بره أشرلي بمعنى دخلي
أنت تقرأ
عندما تتغير الاقدار
Romanceعندما يجتمع المال والسلطة والقوة والقسوة بي رجلان ويعشقان نفس الفتاة احدهم ضابط والاخر شيخ فأي حرب ستقام يا ترى؟! ..... لم يُخلق الحب يوماً للجبناء ..... ..... فحرب العشق تحتاج لبطل...
