عندما تتغير الاقدار

البارت العاشر

بقلمي الكاتبة قمر 💁❤

لاتنسون التصويت👈🏻⭐❤

تعأل شبيك الك وحشه..
ينسمه ويانده الغبشه...
نذر لو جيت احني البيت..
واسوي من الفرح طشه...

ثائر...ليث

كارين فتحت عيوني بصدمه بس حاولت اخفي دهشتي حتى ميشك ويروح أيذي ليث بشي هذه مخبل يسويها

كارين...ومنو ليث

ثائر ضحك ضحكة استفزازيه وباوعلي بطرف عين وكال...على منو تلعبين انتي لج بابا طفل كدامج اني اليوم جنت بغداد ولتقينه وسولفنه

كارين بصوت يرجف...ما اعرفه كتلك

ثائر...وكتله راح نزوج عن قريب وعزمته ع عرسنه هم

كارين....كافي

ثائر...وكال الله يسعدكم ويمكن هوه هم حيزوج لان شفته ويه وحده

كارين...كتلك كافي

ثائر...طبعا اكيد صعبه عليج اشوفين الشخص الحبيتي جان يضحك عليج وباقرب فرصه باعج

كارين بأنهيار اعصاب...كافي كافي كافي كذب عليه ليييث مستحيل يسويها مو نفسك هوه

ثائر بعصبيه.....لسسانج

كارين...هوه يحبني او ولا فد يوم زعلني مو نفسك بس تجرح بيه

ثائر ساق بسرعه وشراينه برزت من العصبيه.... اسمعي زين اذا فكرتي مجرد تفكير بذاك النذل او رفضتي زواجنه اول شي اقتله وعذبج بموته وبعدين اقتلج واعذر من انذر

كارين ضحكت بوجع...متكدر اسوي شي الليث مو صغير هوه ضابط بدوله والف واحد يطلع وراه

ثائر...بينه الايام يا كارين وذكرج

بقينه ساكتين لحد ما وصلنه نزلت بسرعه فتح الباب ودخلت كدامه لكيت زينب كاعده بالمرجوحه ومبين من شكلها متوترة اول ما شافتني اجتي ركضت عليه

زينب... بسرعه صعدي الغرفتج هسه الحكج او اي احد يحاحيج شي لجاوبين

كارين بتفاجئ...ليش

زينب...صعدي بسرعه بعدين افهمج

كارين رحت وسمعت ثائر يكللها

ثائر...خو محد دره

زينب...لا خووي اطمن

كارين دخلت للبيت محد بصالة ولا بالمطبخ كلمن بغرفته صعدت فوك الغرفتي نزعت الشال والجبه ورحت غسلت وجهي وغيرت ملابسي وره ثواني اجتي زينب دكت الباب وطبت اول ما شافتني كالت

زينب...انتيييي اكيد تخبلتي شلون هيج تشردين من البيت

كارين... ترى والله اعصابي انهارت من وره اخوج ومعرفت شسوي

زينب...لج شلون طلعتي

كارين...من الباب الخلفية

زينب...والله لو داري الشيخ سلف جان كتلج بمكانج افهمي كارين انتي ما جاي اتأذين غير نفسج بهل تصرفات حياتنه هنا تختلف عن حياتج قبل هنا الناس ع اقل زله تحجي واحنى ناس معروفين وموحلوه تنزلين راسنه كدامهم