عندما تتغير الاقدار

البارت السادس

                        ... عندما تتغير الاقدار ...

بقلمي الكاتبة قمر

لا تنسون التصويت👈🏻⭐❤

هسه وين 🍂
اوقبل وين 🚫
جنه نسهر بالمحبه ❤
وهسه نسهر #بالونين 🥀

كارين...اي وشيصير

ليث...باجر اجي اني وهلي للبصرة حتى نخطبج

كارين اخذتلي كم ثانية صفنت وجاوبته بصدمة...شدتحجي ليث

ليث...ليش احنى مو جنه متفقين نخطب

كارين...جنه ليث جنه هسه كولشي اختلف

ليث...شختلف هسه ست كارين

كارين...اهلي هستوهم طلع اربعينهم وبعده جرح كلبي ينزف عليهم بس احاول ابين قويه كدام الناس شلون ترديني ازوجك وفرح وكانو كلشي ما صار

ليث...عبالج اني ما حسبت حساب هل شي كارين اني مو طفل كدامج ترى واني قررت نسوي حفله بسيطه بينه

كارين بخنكه...بس مو هذه الجنت متمنيته وراسمته بمخيلتي

ليث...اقدارنه تغيرت يا كارين وقدر الله وما شاء فعل لازم اجيبج يمي ميصير هل شكل انتي بشرق واني بالغرب

كارين...اسفه ليث لتجي ما اكدر بهل فترة اصير انانيه وفكر بس بنفسي

ليث عصب و تغيرت نبرة صوته ....لج افهمييي بابا اني ما مرتاح الكعتج ويه عمامج كلبي لاعبني اني هم اتمنى نسوي عرس ونفرح اني وياج الفرحة المتمنيها لتنسين صالي سبع سنين منتضرج ومصبر روحي كله علمود شنو غير احبج يبت الناس وانتي تعرفين كولش زين الف وحده تتمنه بس اشارة مني رغم كل هذه اني اختاريتج الج وشاريج

كارين ردت اجاوبه سمعت حركة يم الباب مال غرفتي عبالي زينب اجتي تريد شي كلت منو محد جاوب رحت فتحت الباب ما لكيت احد استغربت ورجعت دخلت للغرفه

كارين...ليث هسه اني راح اروح نحجي بغير وقت

ليث بستهزاء...شوكت بعد سنه

كارين... ارجوك ليث لزودها عليه

ليث بعصبيه...من طاح حظ الرتب الشايلها اذا طفلة تضحك عليه سمعيني زين كارين هل كلام خلي ترجيه بأذانج اذا رحتي الغيري او فكرتي بغيري عيشتج اسودها انتي والي تاخذي وسده بوجهي

جريت حسره وذبيت روحي ع السرير وباوعت للسكف مال الغرفة غوشت عيوني من الدموع او وكعن وحدهن ادري الكلام الكاله ليث مو من كل كلبه اني عاجنته وخابزته من يعصب يكوم هيج يحجي اوف لو يدري شكد احبه بس ما ادري ليش هيج جاي اصرف وياه

قطعت سلسلة افكاري دكت الباب كمت من السرير وعدلت كعتي وكلت اتفضل بسرعه انفتحت الباب وطب ثائر وهل مره اسم ع مسمه صدك ثائر عيونه ناطات من العصبية وشكله يخوف