عندما تتغير الاقدار

البارت الثامن

                          ... عندما تتغير الاقدار ...

بقلمي الكاتبة قمر 💁❤

لاتنسون التصويت 👈⭐❤

ثائر...كلت ماكو لا زواج ولا بطيخ لا الزيد ولا الاي احد كارين اني ناهي عليها

الكل انصدم وفتحوا عيونهم الا اني بقيت هادئة اصلان ما افتهمت شنو يقصد بالنهوة ما اعرف بسوالف الشيوخ ابد

ام ثائر...انته شجاي تحجي تخبلت شنو ناهي عليها انته مو كلت بعد ما اتقرب للزواج وكرهت النسوان

ثائر عيونه نطن من العصبيه كام وكف بسرعه وكال....لحد يفتحلي هذيج السيره انسدت من سنين والي يجيب طاريها بعد لا اعرفه ولا يعرفني

ام ثائر...وليدي اهدئ او اكعد وفهمنه بهدوء

ثائر...كلامي واضح وتدرون حجايتي وحده مصير ثنين ومن اريد شي اسوي يعني اسوي

الحجيه...اني اكيف كارين اصير جنتنه وين نلكه مثلها بس ميصير نجبرها

ثائر...ما طلبت رأي احد كارين الي مصير الغيري

شيخ سلف...انته شو متحترم ومتكول اكو جبير كاعد

ثائر... بويه ع راسي انته  بس الكل يدري بيه اتخبل من واحد يردلي كلمه او يجيب سيرة الماضي

شيخ سلف باوعلي وكال...بنيتي انتي موافقه بأبن عمج يكون رجلج بالنسبه الي ماعندي اعتراض لان متلكين احسن من ثائر واحنى هم منلكه احسن منج

كارين ما رديت عليه بقيت مصدومه من الكلام السمعته

ثائر نتر عليه....مجاوبيييين ولو اجابتج متفرق عندي شي

كارين درت وجهي اريد اصعد الغرفتي جرني من ايدي حيل حسيتها انخلعت

ثائر...اذا محد مربيج اني اربيج من واحد يسئلج جاوبي مثل الاوادم

كارين هنا حسيت الدم صعد الراسي بعد ما اكدر اتحمل وصبر ع الذل والاهانه اكثر من هيج صالي شهر ونص متحملته هوه واخته واني بحياتي محد عاملني نفس معاملتهم الي

رفعت اصبعي بتهديد واحس جسمي كوله يرجف ودمعتي كل ما تريد توكع امنعها وحاول ابين قويه....اسمعني زين يا شيخ ثائر عود ع اساس انته شيخ وتحل مشاكل الناس لا انته تهجم بيوت الناس ومال ازوجك هاي كطنه وشيلها من اذانك مااااااشي انته اعتبرك مثل ابويه ماشي هم مو مثل اخويه واني مو طفله حتى اجبروني ولا عبالك ما عندي من يطلع وراي وتستغلوني لان يتيمه ترى ...قبل ما اكمل كلامي اجاني راشدي وكعني بالكاع

شلت راسي شفته ثائر الي ضربني وصاير عباله عن كتله مال غضب

ثائر...شوف اني عمري كله ما ماد ايدي ع مره بس انتي طلعتيها من ماعونها