عندما تتغير الاقدار

البارت الثاني عشر

                         ... عندما تتغير الاقدار ...

بقلمي الكاتبة قمر 💁❤

لاتنسون التصويت 👈🏻⭐❤

حبايبي اسفه ع التأخير بس امانه مو مني من صاحبة القصه فا لذلك هاي الصعوبه الي يصير من واحد يكتب روايه حقيقه 🤦‍♀️

شعَرها بطَولها وعـَابر خصِرها
أم خدَود وفدوآت الكِصرها
عِدها عيَون ضيعِتني بكبرهـا .

ثائر صاح بيه...كاررررين

كارين تفاجئت او عكدت حواجبي ...شكو

ثائر...ابقي هنا لطلعين

كارين...ليش

اجاهلني وراح صاح الزينب اجتي تركض وضربت خدها ع كيف وباوعتلي وعضت شفتها وهوه يمشي وراها

طبت جابت عبايه اخذها منها وكلها....روحي ويه ابوي اني اجيب كارين بسيارتي

اخذ العبايه وحطها ع راسي وعدلها وكال....هسه تمام

كارين...ما اعرف اللبسها والله توكعني

ثائر...تعلمي عليها منا ورايح مرت الشيخ ميصير تطلع مفرعه والرايح والجاي يعاين عليها

كارين...مرت الشيخ شنو ثائر لياخذك الواهس بحلامك

وردت اطلع حتى الحك بيت عمي

كبل جرني من راسي من وره وقربني عليه وكال... عن قريب راح تتحقق هل احلام وذكرج ونترني حيل ومشه كدامي

اني بقيت واكفه بمكاني بطلت ما اريد اروح خرب واهسي كل ماكو اكول صار حباب وتغير يطيني وضعية سبرايز اني خره

دار وجهه شافني واكفه بمكاني كبل صاح بيه....امشششييي

اني لا اراديا طفرت ولحكته

صعدت بصفه واني كلبي يدك

ثائر...هناك كلها زلم طلعه مطلعين حدج للمطبخ والعبايه مذبيها سمعتي

كارين باوعتله وفريت بعيوني

ثائر ...ما عجبج كلامي مو بس لسوين الي كلته وشوفي شيجرالج

كارين بقيت ساكته ما رديت عليه بيس ارد عليه يضل بس يتناكر ويهدد

وره شي ربع ساعه وصلنه ع بيت وجان اكو زلم واكفين بالباب

ثائر هوه ويطبك السيارة باوعلي وكال...عينج بالكاع يله نزلي بسرعه وكبل دخلي للبيت

كارين نزلت من السيارة وثائر نزل سلم عليهم واني طبيت جوه كبل رحت للمطبخ لكيت نسوان هواي كاعدات واني ادور بالوجوه ع وحده اعرفها لحد ما اجتي زينب نقذتني

زينب...هاي يلمعزايه خوش رزاله

كارين...اي اشمتي غير اخوج بكلشي حاشر روحه