عندما تتغير الاقدار

البارت الرابع عشر

    ... عندما تتغير الاقدار ...

بقلمي الكاتبة قمر 💁❤

لاتنسون التصويت 👈🏻⭐❤

شيعدي ايام هجرك صارن ثگال
حملهن على صدري بثگل الجبال
من يوم الرحت واني ادعي من كون
يريت العمر بعدك لا مشه وطال

كارين¶¶

رجعت الغرفتي وضليت افتر بصورة هستيرية ما جاي اصدك الي دا يصير وليث ماكو اي خبر عنه معقولة ثائر سواله شي قررت اروح الغرفت ثائر وحاجي ولي يصير خلي يصير

طلعت من غرفتي ورحت ع غرفته جريت نفس ودكيت الباب كال...منوووو

فتحت الباب بتوتر شفته دا يكلب بأوراق مدري صور بس شافني توتر وبسرعه ضمهن وكام اجه عليه

كارين...اريد احجي وياك بموضوع مهم

أشرلي اكعد يمه ع الجربايه رحت كعدت بس بعيد عنه

ثائر يحجي بستهزاء ويباوع ع شفايفي...شنو بعد متتحملين منا للخميس حتى جايتني بهل وقت

كارين....انته خوش تنكت اسمعني يا شيخ صح ما عندي اهل يشرطون عليك بس مو معناها اسكت عن حقي

ثائر....اي وشنو حقج بله

كارين.... عندي شرط توافق عليه يله ازوجك

ثائر...ها كمتي تشرطين

كارين.... اعتقد كل بنيه من حقها تشرط

ثائر...يله عمي ميخالف كولي شنو شرطج

كارين...متحرمني من دراستي ومن يبدي اداوم اسجلني بجامعه

ثائر بسرعه عكد حواجبه وكال بعصبيه... تحلميييين ما عدنه مره تروح للجامعه

كارين....ماشييي يا ثائر لعد اني راح ابقه معانده وما ازوجك واذا تغصبوني اكتل روووحي والله وداعت ماما وبابا اصلان حياتي بعد متهمني وما عندي شي اخسره بعد

وكمت اريد اطلع صاح بيه

ثائر...اوكفييي

كارين....شتريد

اجه يمي وحصرني بالحايط دفعته بأديه اريد اوخر عنه كام كمش اديه ثنينهن بيد وحده وحطهن وره ضهري وايده الثانيه كمش بيها حنجي وكال....ديري بالج اجيبين طاري الموت ع لسانج

كارين.... وخر عني الموت ارحم من الحياة وياك

ثائر....هل كد تكرهيني

كارين....وأكثثثر

هد اديه وراح كعد ع الكرسي وكال...ميخالف اخليج اداومين بس اني هم عدي شروط

كارين....شنو شروطك

ثائر...من يبدي الدوام تعرفيهن

باوعتله بنضرة مليانه اسئلة وفتحت الباب وطلعت بسرعه رجعت الغرفتي غميت روحي لان ما اجتني الجرئه احاجي عن ليث