[Unicode]
ကျောင်းပြန်ဖွင့်သည့်ရက်တွင် ခင်ဘုဏ်းသော်ကျောင်းထွက်သွားကြောင်းသိရသည်။
"ယှဉ်နှိုင်းမီ နင့်ကိုခင်ဘုဏ်းသော်ကစာပေးခိုင်းလိုက်တယ်"
"ငါ့ကိုပေး..."
ကြယ်ရောင်ကြောက်လန့်တကြားဆွဲလုတော့မီမီကအနည်းငယ်အံ့ဩနေသည်။အကြောင်းစုံမသိတဲ့သူမို့စာကိုကြယ်ရောင့်လက်ထဲထည့်ပေးတော့အမြန်ယူပြီး သန့်စင်ခန်းဘက်ပြေးခဲ့သည်။
"ယှဉ်နှိုင်းမီ....
ပထမဆုံးနင့်ကိုတောင်းပန်ချင်ပါတယ်။ငါနင့်အပေါ်အမြင်မှားခဲ့တယ်။ကြယ်ရောင်ထင်းပြောတာသိပ်မှန်တယ်။နစ်နာသူရဲ့အမှားမဟုတ်ပါဘူး၊ကျူးလွန်သူရဲ့အမှားပါ။ငါ့အစ်ကိုခေတ်သုတလျှံရဲ့အမှားကိုထပ်ပြီးတောင်းပန်လိုက်ပါတယ်။
ဘဝအသစ်စတင်ပြီးပျှော်ရွှင်စေချင်ပါတယ်။စာရွက်ဖြူပေါ်ကအမဲစက်ဟာအရမ်းသေးငယ်ပါတယ်။အဖြူရောင်အစိတ်အပိုင်းကိုပဲတွေးပြီးရှေ့ဆက်ကြရအောင်။
ပျော်ရွှင်ပါစေ။...."
ဒါဆိုသူကအယုတ်တမာကောင်ရဲ့ညီမပေါ့။ဒီစာကိုမီမီမြင်ရင် ခင်ဘုဏ်းသော်ကိုရှာပြီး ဦးငယ်ဘယ်ရောက်နေလဲလို့မေးလိမ့်မည်။လက်မခံနိုင်ပါ။မီမီ့ကို ထပ်ပြီးနာကျင်စေမှာသိပ်ကြောက်သည်။
စာရွက်ကိုဖြဲစုတ်ပြီးရေနဲ့လောင်းပစ်လိုက်သည်။အတိတ်တွေရေနဲ့အတူမျောပါသွားပါစေ။
"စာရော?"
"ဖြဲပစ်ပြီ"
"ဘာလို့တုန်းဟယ်။ဖတ်တောင်မကြည့်ရသေးဘူး"
"နင့်ကိုတောင်းပန်ထားတာ။အမှားလုပ်ပြီးမှတောင်းပန်တာ စိတ်တိုလွန်းလို့ဖြဲပစ်လိုက်တယ်"
"နင်ဟာလေ အတော်စိတ်ဆတ်တာပဲ။ခွင့်လွှတ်သင့်ရင်ခွင့်လွှတ်ရမှာပေါ့"
"နင်ကြပ်ကြပ်စိတ်ကောင်းထားနေ။တနေ့ဒုက္ခတွေ့မယ်ချီးထုပ်မရဲ့"
ဘေးကတေမိကနှုတ်ဆိတ်နေသည်။တော်သေးတာပေါ့ဘာမှမပြောလို့။ဆရာမဝင်လာပြီးနှုတ်ဆက်ပြီးတဲ့အချိန်မှတကယ်ပြဿနာကစသည်။
"ကဲ.....ငါ့အိမ်စာတွေလာထပ်။မပြီးတဲ့သူနဲ့ကျန်ခဲ့တဲ့သူတွေမတ်တပ်ရပ်"
YOU ARE READING
သူ့ကိုဗဟိုပြုသော ရပ်ဝန်း... (Uni, Zawgyi)- Completed
Romance"ဆင်းရဲသည်ဖြစ်စေ....။ချမ်းသာသည်ဖြစ်စေ...။အမြင့်မှာပဲရှိရှိ...။အနိမ့်ကိုပဲကျကျ...။ အဲ့ဒီလူဟာ မင်းဖြစ်နေရင် လက်မလွှတ်ဘဲ အတူရင်ဆိုင်မှာပါ"
