أنا قولتلكم البارت ده هو الأخير، بس لقيت البارت هيبقى حوالي ٨٠٠٠ كلمة فقسمته على بارتين ونزلتهم في نفس الوقت.
_______________________________
كانت عائشة تبحث عن إيزابيلا في كل مكان حتى وجدتها في الحديقة تطعم طيور البجع فتهللت أساريرها وتوجهت نحوها فورًا ثم جلست بجانبها وحمحمت
" زوزو ... إنتي عارفة طبعًا إني هتجوز بعد بكرة .. قوليلي أي نصيحة ولا أي حاجة. "
عقدت إيزابيلا حاجبيها بدون فهم فأكملت عائشة " ما هو مالقيتش غيرك إنتي خبرة ... أنا عارفة إنك غبية بس مضطرة، اتدبست فيكي! "
" نصيحة بشأن ماذا ؟ " سألت إيزابيلا بصوتها الرقيق فزمجرت عائشة " يابنتي نصيحة بشأن الزواج .. قوليلي أي حاجة. "
" بصي، أصل أنا جاموسة .. يعني فُلة ماعرفش أي حاجة! فقوليلي مثلًا المفروض أعمل إيه مع محمد أو أتصرف إزاي؟ "
" آه ... فهمت، " استوعبت إيزابيلا أخيرًا فأومأت الأخرى براحة
" أنتِ لن تفعلي شيء، هو من سيفعل، " قالت وهي ترفع كتفيها فرمقتها عائشة بقرف حتى لمعت أعين إيزابيلا وقالت بحماس " سأعطيكِ سرًا خطيرًا. "
ابتسمت عائشة ورفعت حاجبيها بحماس هي الأخرى واقتربت من إيزابيلا التي أشارت لها بالاقتراب وهي تتلفت حولها خشية أن يسمعهما أحد
" اعطيني أذنكِ، " همست لها فاقتربت الأخرى أكثر حتى همست إيزابيلا في أذنها
" قبليه. "
سقطت ابتسامة عائشة وعقدت حاجبيها وذمت شفتيها معًا بغيظ ثم ابتعدت ونظرت لإيزابيلا نظراتٍ قاتلة وهي تحاول كظم غيظها بشتى الطرق وسرعان ما سخرت
" لا سر جامد وخطير فعلًا، ده أنا كان هيغمى عليا من كتر الخطورة!!! "
وبعدها نهضت تنفض ثيابها ورمقت إيزابيلا بقرف وسخرت " بس دي مش غلطتك دي غلطتي، تخيلي أنا عائشة جمال على آخر الزمن أطلب نصيحة منك! دي وصمة عار في تاريخي. "
" هناك سر آخر لو تريدين! " همست لها إيزابيلا فرفعت عائشة يدها لتلمس ذقنها وتمثل التفكير ثم سخرت
" سيبيني أخمن .. أحضنه صح؟ "
ابتسمت إيزابيلا بتوسع وأومأت بسرعة فضيقت عائشة عينيها وتمتمت " أنا عرفت وليد هيتجوزك ليه، ناصح ... أنا لو ذكر كنت أتجوزتك عشان كمية الغباء دي مفيدة للرجالة. "
وسرعان ما تركتها وابتعدت متوجهة ناحية غرفة نورة وفور أن اقتحمتها قفزت بجانبها على السرير ورسمت وجه جرو على وجهها فضيقت نورة عينيها
" اخلصي هاتي من الآخر عايزة إيه؟ " قالت نورة التي تحفظ تصرفاتها عن ظهر قلب
" أنا هتجوز بعد بكرة اديني أي نصيحة أستر بيها نفسي، مش عايزة أبقى جاموسة كده!! "
YOU ARE READING
1622
Humorنظر لها بقرف ثم صاح " يا لكِ من زنديقة !! " فوضعت يديها في خصرها وسخرت " بقى أنا زنديقة يا بتاع آمان يا لالالي !! " . عائشة جمال فتاة مصرية في السنة الأخيرة من كلية الحقوق تحدث لها حادثة مجهولة وتؤدي بها إلى الرجوع بالزمن إلى سنة 1622 م وتتوالى...
