1622

توضيح مهم

جزء إن السيدة مارية القبطية كانت جارية الرسول وليست زوجته

أنا عملت سيرش في مواقع كتير، سمعت فيديوهات كتير جدًا من شيوخ كدكتور علي جمعة، كلهم مصرين إن السيدة مارية كانت من ملك اليمين ولم يتزوج بها الرسول ص

لكن مافيش حديث صحيح أو أي دليل مادي قوي للكلام ده

وعلى الجانب الآخر، الرسول عليه الصلاة والسلام عُرف عنه تحريره للعبيد ويقال إنه أعتق تقريبا ٦٠ عبد وجارية

زائد إنه أعتق تلاتة من زوجاته قبل الزواج بهم، فحتة إنه إزاي أعتق ٣ من زوجاته قبل زواجه بهم وما أعتقش السيدة مارية رغم إنها أسلمت فور وصولها له مريب جدًا ويدعو للشك

أنا اتبعت في الأول رأي الشيوخ اللي أجمعوا على أنها كانت ملك يمينه ولم يتزوج بها وماكتبتش حاجة من دماغي

لكن، بعد البحث أكتر زي ما قولتلكم لقيت مافيش دليل قوي للكلام ده واللي بينافي بالفعل تصرفات سيدنا محمد ص

فحبيت أوضحلكم الرأي والرأي الآخر.

_______________________________________

تاني توضيح، عائشة قبل ما يحررها محمد حلال ليه ولا لا؟

أنا وضحتها في القصة بس حسيت أنكم ماخدتوش بالكم لذلك هوضحها بطريقة مباشرة هنا

*لا يجوز إسترقاق الآدميين إلا بشرط، أن يؤسروا وهم كفار مقاتلون*

يعني لازم يكون كافر ومش بس كده، لازم يكون بيقاتل كمان، يعني لو كافر بس لا يجوز

وعائشة لم تستوفي هذا الشرط وهذا يجعل أسرها وبيعها لا يجوز من الأصل

يعني لو هنتكلم على شرعيًا فلا يجوز إن عائشة تبقى جارية أصلًا بس دي مش مشكلة محمد لأن مش هو اللي أسرها ولا هو اللي باعها

وفي العصر القديم الموضوع فعليًا كان مفتوح وممكن توصل إنهم يأسروا أميرة ويبيعوها كجارية مع إن ده لا يجوز.

أرجو إني أكون وضحتلكم الدنيا بطريقة سهلة ❤
وحقيقي وحشتوني ❤
وعايزة أقولكم صلحت النضارة 🎉😂