စီနီယာတစ်ယောက်နဲ့ ဂျူနီယာတစ်ယောက်။
မေဂျာတူပေမယ့် အတန်းတော့ ကွဲပါ၏။ တချိန်လုံး တတွဲတွဲလုပ်နေလို့ မရကြပေမယ့် တကူးတကတော့ တွေ့ဖြစ်ကြသည်။
အထူးသဖြင့် နေ့လည်စာ စားချိန်တွေဆိုရင် ပုံမှန်ဆုံဖြစ်ကြလေသည်။ အခုလည်း သဏ္ဍာန်ဆန်းနဲ့ သုတဟန်တို့ ကန်တင်းမှာ နှစ်ယောက်ထဲ နေ့လည်စာ စားနေကြတာဖြစ်သည်။
"စီနီယာ လင်းရဝေ ကျွန်တော့်ဆီ မနေ့ကရောက်လာသေးတယ် ..."
"ငါတို့တတွဲတွဲ လုပ်နေတာ သုံးရက်လောက်ရှိပြီဆိုတော့ သူတို့လည်း ဒါကို သတိထားမိနေပြီ ...မင်းကိုသူ ဘာလာပြောသေးလဲ ..."
"ဘာလို့ သဏ္ဍာန်ဆန်းနဲ့ တတွဲတွဲ လုပ်နေတာလဲတဲ့ ...မင်းကြောင့် ထိခိုက်သွားတဲ့ နှစ်ယောက်အတွက် စိတ်မကောင်းပါဘူး အားနာမိပါတယ် ဆိုပြီးတော့ ဒါက ဘာသဘောလဲတဲ့ ...သူတို့နှစ်ယောက်ကြားမှာ ဝင်နှောက်ယှက်နေတာလားတဲ့ ...ပြောတာတော့ အများကြီးပဲ ...ကျွန်တော့်ကို လာသတိပေးသွားတာ ..."
"မင်း ဘာပြန်ပြောလိုက်လဲ ..."
"စီနီယာ ပြောခိုင်းထားသလိုပဲ ပြန်ပြောလိုက်တယ်လေ ...ကျွန်တော့်အမှားအတွက် တောင်းပန်ရင်း စီနီယာ သဏ္ဍာန်ဆန်းနဲ့ သူငယ်ချင်းတွေ ဖြစ်သွားကြတာပါလို့ ...အဲ့ဒါကြောင့် ဆုံဖြစ် တွဲဖြစ်ကြတာပါလို့ ..."
လင်းရဝေတို့ သုံးယောက်က ဆန်းဆီလည်း ရောက်လာပါသေးသည်။
"ဆန်း မင်းအဲ့ဒီ့ကောင်လေးနဲ့ ဘာလို့ ခဏခဏတွဲနေတာလဲ ..."
"ခင်ဖို့ကောင်းလို့ တွဲနေတာပေါ့ ..."
ကောင်းသစ်လွင်ရဲ့ မေးခွန်းကို ဆန်းက မထိတထိ ပြန်ဖြေလိုက်သည်။
"နင်လိုလူက ဘယ်တုန်းက လူတွေကို လွယ်လွယ်ခင်တတ်သွားတာလဲ ...အခုမှတွေ့တာ မကြာသေးတဲ့ လူတစ်ယောက်ကိုလေ ..."
နီနီက မယုံသင်္ကာနှင့် ပြောလာခဲ့သည်။
"ငါခင်ချင်လို့ ခင်တာ... ငါတွဲချင်လို့ တွဲနေတာ ...အဲ့ဒါ ငါ့သဘောပဲ ..."
"သူက မင်းကို ကြိုက်နေပါတယ်ဆိုပြီး ပြောထားဖူးတဲ့သူနော် ...အဲ့လိုလူနဲ့ တတွဲတွဲ လုပ်နေတာက သူ့ကိုမျှော်လင့်ချက် ပေးသလို ဖြစ်မနေနိုင်ဘူးလား ဆန်း ..."
YOU ARE READING
သဏ္ဍာန်ဆန်း
Romance(U&Z) သူဟာ အဆုံးမရှိတဲ့ လွတ်လပ်ခြင်းတွေနဲ့ ငါတို့ရဲ့ မနက်ဖြန်တိုင်းကို ပျော်ရွှင်စေတဲ့ သူ ...။ သူက သိပ်ကို ထူးခြားလွန်းတယ် ...။ Boy Love , own story (Started On _ 5/July/ 2020) သူဟာ အဆံုးမရိွတဲ့ လြတ္လပ္ျခင္းေတြနဲ႔ ငါတို႔ရဲ့ မနက္ျဖန္တိုင္းကို ေ...
