ඉර එලියට මූනට වැටෙනවත් එක්ක වී ඇස් පොඩි කර කර නැගිට්ටේ හායි ගාලා කටත් ඇරගෙනයි. අත් දෙකම දිග ඇරලා හිරි ඇරපු වී කාමරේ වටේම හොදට බැලුවා. පස්සේ ඔලුව තියන් හිටපු කොට්ටේ අරන් බදාගෙන ඇදේ එහාටයි මෙහාටයි පෙරලුනා.
" අයිගෝ.......... අයිගෝ..........😂"
ජිමින් හිනාවෙවී ඇව්ත් ඇදට පැනලා කොට්ටයක් අරගෙන වීට ගැහුවා.
" සද්දේ සද්දේ.........."
වී කන් දෙකත් වහගෙන කොට්ටෙට මූන ඔබා ගත්තා සද්දේ වැඩි කියාගෙන. ජිමින් හිනාවෙවී වීගේ ඇගට පැනලා කොන්ඩේ අවුල් කලේ
" නැගිටිනවා නිදිකුම්බෝ... අරහේ මම තනියෙම කෑම හදනවා.... මට උදව්වක්වත් දෙන්නේ නැද්ද..."
" සද්දේ සද්දේ......."
වී ඒකම කිය කිය ජිමින්ව තල්ලු කරලා ඇස් පියාගෙන බොරුවට ගොරවන්න ගත්තා. ජිමින් වීගේ ඇග උඩ නැගගෙන
" නැගිටින්ඩෝ නැගිටින්ඩෝ....🗣️.."
හයියෙන් කෑ ගැහුවා.
සද්දෙ ඉවසන් ඉන්න බැරිම තැන වී එක පාරටම ඇදේ ඉද ගත්තා. වීගේ ඇග උඩ හිටපු ජිමින් දඩබඩාන් ගාලා බිමට ඇදගෙන වැටුනා. ජිමින් ටිකක්වෙලා එහෙම ඉදගෙන කල්පනා කලේ 'මේ ඇටකෝට්ටා මාර ශක්තිමත්නේ' කියලා. වී කැරකි කැරකි ජිමින්ව හොයද්දී ජිමින් කොන්දත් අල්ලගෙන නැගිටලා වීට රැව්වා. වී සුපුරුදුපරිදි දත්ටිකම දාලා හිනාවෙලා ජිමින්ගේ කරට පැන්නා. අසරන ජිමින් වීවත් උස්සගෙන කුස්සියට ගියේ දෙන්නට උදේට කෑම හදන්න හිතාගෙනයි.අද දෙන්නට නිවාඩු දවසක් නිසා හොද ජොලියක් දාන්න පුලුවන් කියලා හිතන් හිටියත්, නම්ජුන් ජන්කුක් එක්ක අලුත් කන්ට්රැක් එක සයින් කරපු එකේ සතුට සමරන්න රෑ කෑමට එනවා කිව්ව නිසා ජොලිය දාන එක පස්සේ දවසකට කල් ගියා.
වීත් ජිමිනුත් උදේම ගේ අස්කරලා කෑම හදාගෙන එකට ඉදගෙන හිනාවෙවී කාලා ඩිනර් එකට හදන්න දෙයක් කතා උනා. ජන්කුකාත් එනවා කිව්ව වෙලේ ඉදන් වීගේ මූන ඇබුල් උනා ඉතින්.
ජන්කුක්ව මරන්න වීට ලැබුනු අවස්තා එයා මග ඇරගත්තේ හිතා මතාමයි. එයාගේ හිත කිව්වෙම මේක හරි වෙලාව නෙවේ කියලා.