My lovely "Chu" (Complete)

Part-12

🏵️ပွဲတော်အခမ်းအနားသို့ဖိတ်ခေါ်ခံရခြင်း🎷

…

..ညနေ နေဝင်ချိန်ရဲ့လေပြေညှင်းက အေးသလိုလိုနဲ့အပူငွေ့နည်းနည်းကရောယှက်နေသေး၏….မွန်ဂိုရဲ့ဖွဲ့စည်းတည်ဆောက်ပုံကချင်တိုင်းပြည်လို အလယ်ပိုင်းရပ်ဝှမ်းလိုမဟုတ်….အစွန်အဖျားပိုင်းကျသည့်ရာသီဥတုက ပူရင်လဲအတိုင်းအဆမရှိပူသလို ညဖက်အချိန်ခါဆိုရင်လဲ အေးစိမ့်မှု့ကအရိုးကွဲမတတ်ဖြစ်တတ်၏…ချင်တိုင်းပြည်က ရာသီဥတုက ဆောင်းဦးရာသီမှသာအအေးဓာတ်ကပိုပြီး ကျန်သောအချိန်များမှာရာသီဥတုကနေသာထိုင်သာကောင်းသည့်အခြေအနေမှာရှိသည်….ပန်းမန်များနဲ့လှပစည်ပင်သာယာခဲ့သော ချင်မြို့တော်ကယခုအချိန်မှာ မည်သို့ဖြစ်ကျန်ခဲ့မည်နည်း….သေချာတာကတော့ခမ်းနားထည်ဝါမှု့တို့ပျောက်ကွယ်ကာ အရာအားလုံးကညှိုးနွမ်းခြောက်သွေ့သောပန်းတစ်ပွင့်ပမာ ဖြစ်ကျန်ခဲ့မည်သာ….အထိန်းတော်မိန်းကလေးများရဲ့ လိုက်လံပြသပေးနေသည့် ရှင်းပြနေမှု့များက မင်ချူ့ရဲ့နားထဲ မဝင်တချက် ဝင်တချက်….အတွေးရေယာဉ်ကြောထဲမျောပါနေရင်း ပြုံးရွှင်မှု့တွေဖုံးလွှမ်းထားတဲ့မျက်နှာက အနည်းငယ်ညှိုးနွမ်းသွားသည်….ဘယ်အချိန်မှသူ မွန်ဂိုုကနေပြန်ရမည်လဲ…တစ်နှစ်လား ဒါမှမဟုတ် နှစ်နှစ်လား….တစ်သက်လုံးမပြန်နိုင်တာရောဖြစ်သွားနိုင်လား….ဒီတိုင်းပြည်ကအရမ်းကိုပွင့်လင်းလွန်းလှသည်လို့ဆိုရမည်….သူတို့ချင်တိုင်းပြည်မှာ သဘာဝလွန်လက်ထပ်မှု့ကိုအပြင်းထန်ဆုံးတားမြစ်ထားသည်ဆိုလျှင် ဒီမွန်ဂိုပြည်ကထိုအရာကိုလွတ်လပ်စွာလုပ်ပိုင်ခွင့်ပြုထားသည်ဟုပြောရမည်…..သူ စစ်တပ်အတွင်းမှခဏတာကြည့်ပြီးပြန်ထွက်အလာ နန်းတွင်းမှအနည်းငယ်ကြည့်ပျော်ရှု့ပျော်ဖြစ်သော အမျိုးသားနှစ်ဦး ကုန်းကုန်းအဝတ်အစားများကိုလဲဝတ်ဆင်ထားကြပုံနဲ့ဆိုရင် နန်းတွင်းမှာခစားနေသူများဖြစ်ရမည်….ထူးဆန်းတာက ထိုသူနှစ်ယောက်က နန်းဆောင်အကွယ်တစ်ခုမှာ တစ်ဦးနှင့်တစ်ဦးနမ်းရှုံ့နေကြတာပင်….မြင်မြင်ချင်းမင်ချူ့မှာ မျက်နှာတစ်ခုလုံးရေနွေးအိုးနဲ့အပက်ခံလိုက်ရသလိုပင်….မမြင်ဖူးသဖြင့်အကြည့်ကလဲချက်ချင်းမလွှဲနိုင် တဖြည်းဖြည်းချင်းထိုသူတို့ရှိရာ လက်ညှိုးနဲ့အယောင်ယောင်အမှားမှားထိုးရင်း ထစ်ငေါ့စွာစကားတွေထွက်ကုန်တော့၏…။