🏇အရှုပ်အထွေးဖြေရှင်းဖို့ခရီးထွက်ခြင်း🏇
“သက်..သက်သာ..လား…ငါက..မင်း…အရမ်းနာနေမှာစိုးလို့.”
…ဦးနှောက်ထက် အပြုအမူကမြန်ဆန်သွားပြီးကာမှ အဲလ်တန်အထစ်ထစ် အငေါ့ငေါ့နဲ့ အပေါက်အလမ်းမတည့်စွာ စကားသံများထွက်လာ၏..။
“ရတယ်..ရတယ်..ရတယ်…ကျေးဇူးပါပဲ..”
…မင်ချူကလဲ အဲလ်တန်ရဲ့အသံကြားမှ တောက်တဲ့ခေါင်းလိုတဆတ်ဆတ်ညိတ်ကာ လက်ရှိနေရခက်မှု့ထဲမှရုန်းထွက်လိုက်၏…။
“တော်သေးတယ်..မင်းအရမ်းနာသွားမလားလို့ ..ငါစိုးရိမ်သွားတာ..တောင်းပန်ပါတယ်..”
“ရပါတယ်..မတော်တဆပဲဟာ…အဲ..ဟုတ်သား..ရှင့်မေးစေ့…ရှင့်မေးစေ့လဲနာသွားမှာကို..ကျမကိုပြကြည့်..”
“မကြည့်နဲ့..ရ..ရပါတယ်ဆို”
…သို့သော်ငြားလဲ ဤပိုးဖလံလိုအတွေးထက် လက်ကမြန်သောသူမကို သူဘယ်လိုလုပ်တားနိုင်ပါမည်နည်း…ဇိုးဆတ်နဲ့ပြန်လှည့်လာကာ သူ့ရဲ့မေးစေ့အား လက်သွယ်သွယ်တို့နဲ့ မထိတထိလာကိုင်ပြန်၏…မျက်ရစ်မှေးမှေးလေးအတွင်းက နက်စိုနေတဲ့မျက်ဝန်းတစ်စုံက အရည်တလဲ့လဲလက်နေသော ဖန်သားလုံးလေးပမာ…သူမ ရဲ့လက်တွေနဲ့ အနီးကပ်ပင့်ကိုင်ထားခြင်းခံရတဲ့ သူကတော့ တဒိန်းဒိန်းခုန်မြည်နေတဲ့ရင်ဖက်က စစ်ချီဗုံမောင်းတီးသံလို အတွင်းမှာမြည်ဟီးနေပြီဖြစ်၏..။
“အဟမ်း..ရပြီ..ငါက အဲ့လောက်မနာပါဘူး..သွားကြရအောင်…ငါလုပ်ရမယ့်ကိစ္စတွေရှိသေးတယ်”
“အင်း…ပြီးမှရှင့်ကို ဆေးလူးပေးမယ်…မနာဘူးဆိုပေမယ့် မပေါ့ပါနဲ့….အေးတဲ့အချိန်ကျရင်အရမ်းနာလာတတ်တယ်”
….တစ်စတစ်စ ရင်းနှီးခြင်းတို့ တိုးဝင်လာတဲ့ သူတို့နှစ်ဦးက အရင်လိုမစိမ်းသက်ကြတော့တာတော့အမှန်…သူမရဲ့ ဂရုတစိုက်စကားလေးတစ်ခွန်းနဲ့တင် ကျေနပ်ပီတိဖြစ်သွားသလိုမျိုးသူခံစားမိရ၏…အရာရာကို သံယောဇဉ်နှင့်လိုချင်တောင့်တမှု့ မရှိသောသူ့အတွက် သူမ ကတစ်ဖြည်းဖြည်းသူ့ဆီရစ်ပတ်တိုးဝင်လာသော ပိုးချည်မျှင်တစ်စလို…။
YOU ARE READING
My lovely "Chu" (Complete)
Romance"မင်းရဲ့အပြုံးအောက်မှာ ရဲရင့်လှတဲ့ငါ့နှလုံးသား အလဲလဲအပြိုပြိုကျရှုံးခဲ့ရတာ မယုံနိုင်စရာပါပဲ "ချူ" , ကြမ်းရှတဲ့လက်တစ်စုံက မင်းကိုမထိခိုက်အောင် ထွေးပွေ့ကာကွယ်ပေးချင်တာမျိုး လက်တွေ့ကြုံရတဲ့အခါ ပင့်သက်တွေအခါခါရှိုက်မိတယ်"