Eukrania Academy

CHAPTER 19: A Night To Remember?

Nakatutuwang isipin na naging matagumpay ang proyektong naiatas sa aming grupo. Hindi madali ang pinagdaanan namin para lamang maisakatuparan ang aming mga pinagplanuhan. Of course, hindi naman namin ito maisasagawa nang maayos kung wala ang tulong ng mga Eukrania Academy student.

Naghanda kami ng isang victory party para sa mga lumahok at nanalo sa mga aktibidad na aming pinamunuan. Dahil tapos na ang Festival of Magic, ngayon naman ay magdidiwang kami sa pagiging successful ng event na ito.

"See... napakaganda ng resulta ng circus mo. Sabi naman sa'yo, hindi ka nila bibiguin," ani Erica.

"Namangha ang lahat ng mga manonood sa palabas na iyon. Tama lamang na iyon ang naging huling event dahil mukhang hindi nila iyon malilimutan," nakangiting wika naman ni Alice.

Kasalukuyan kaming nagbibihis para sa party na magaganap kalahating oras mula ngayon. Just like before, sila ang nag-aasikaso ng magiging hitsura ko. Sa kanila ko na ipinaubaya ang lahat, mula sa aking susuotin hanggang sa mga cosmetic sa aking mukha. May tiwala naman ako sa kanila, at isa pa, wala rin naman akong alam sa mga ganito. Ang gusto ko lang ay simple.

Habang nag-aayos ay naalala ko ang pagtatanghal nila kanina. Sa palabas na iyon, ang bida ay isa palang kalahating tao, kalahating isda; in short, isa siyang sirena. Malamang nagulat ang lahat dahil ngayon lamang sila nakakita nito sa totoong buhay, maging ako ay nagulat. Pero hindi ko alam kung kaya lang ba niyang magtransform sa ganoong anyo gaya ng ability ng iba, o isa talaga siyang sirena.

Sabi ni Alice, hindi raw iyon totoo. Isa lamang silang alamat sa mundo nila. Never pa raw silang nakakita nito sa personal o naka-encounter man lang. Isa lamang daw itong kuro-kuro; isang magandang kwento na nagpasalin-salin sa bibig ng mga matatanda. Pero kung tutuusin, hindi naman iyon imposible. Sila nga, may mga kapangyarihan na wala sa mga ordinaryong tao. Kaya posible rin talaga na totoo sila, na nabubuhay din sila sa mundong ito.

Sa pagtatanghal nila, naging sirena nga si Arina. Sabi nga ni Hana, ito ang madilim niyang sikreto. Nagulat ang mga tao, lalo na si Edward. Hindi niya inaasahan na ang naging nobya niya ay isa palang sirena. Nakakulong ito sa malaking aquarium, hindi man masyadong halata, pero umiiyak ito.

"Hindi niyo ito inaasahan, diba?" masayang wika ni Hana, na tila nang-aasar pa. "Anong masasabi mo rito, Edward? Anong nararamdaman mo sa nalaman mong ito?"

Hindi nakakibo si Edward dahil maging siya ay hindi makapaniwala. Pero alam niya sa sarili niya kung ano ang tunay niyang nararamdaman. Pinagbabato ng mga tao ang aquarium kung nasaan si Arina. Halos mabiyak na ang salamin nito dahil sa lakas ng pagbato nila.

Biglang tumayo si Edward, "Itigil niyo na 'to! 'Wag niyo siyang sasaktan!" Humarap siya kay Hana. "Hana, please lang lubayan mo na si Arina. Dahil kahit anong gawin mo, hindi mababago ang katotohanang siya ang mahal ko."

Naglakad si Edward papunta sa stage kung nasaan si Arina. Ngunit, hindi pa man siya nakalalapit, may isang lalaking nagbato ng malaking bato sa kanyang ulo. Napansin ko naman si Lilian sa isang sulok, siya iyong kunehong naging tao. Bigla siyang sumanib sa katawan ni Arina na agad namang kinontrol ang tubig sa kanyang paligid para iligtas si Edward.

"Ahhhhk! Halimaw!" sigaw ng mga tao, saka nagpatuloy sa pagbato sa kanila.

Kumislap ang mga mata ni Arina, naging kulay asul ito nang panandalian. Sa isang iglap lang ay nawasak ang buong venue dahil sa impact ng kapangyarihan niya. She washed them all with her wrath. She did not want to do it, but the fact that the person she loves will be in great danger, she thought of protecting him with all her strength and power.

Mabilis na lumayas ang mga tao sa lugar na iyon, maging si Hana. Natakot siya na baka mapatay siya na Arina. Pero hindi niya alam na hindi naman ito kayang gawin ni Arina sa kanya o sa kahit na sinong tao dahil malinis ang kanyang budhi.