عشاق بین العناد والکبریاء(بقلم منةالله محمود)

البارت الثالث

يقف يحيى ويتقدم نحو حوراء ويقف امامها
تتنهد هى بهدوء ثم تنظر لإبنتها وتقول بإبتسامه بسيطه:حبيبتى ممكن تدخلى اوضتك عاوزه اتكلم مع عمو يحيى شويه

نظرت جنة للأثنين بعدم ارتياح ولكن اطاعة امها وذهبت لغرفتها

نظرت حوراء ليحيى وقالت بنبره جاده:تعالى نتكلم جو..ثم تحركت نحو إحدى الغرف الذى يوجد بها الاثاث وهو خلفها

دلفت واغلقت الباب خلفها ثم التفتت ونظرت ليحيى وقالت بحده:ايه اللى جابك يايحيى انا مش قولتلك لو فضلت فى المافيا تنسانى وتنسى بنتى راجع ليه بقى

ينظر لها يحيى بهدوء ليتذكر قبل٧سنوات
(فلاش باك)
ها ينتهى العزاء ويرحل الجميع فيصعد يحيى ويدلف الى شقة اهله فلأول مره يدلف ولا يجد احد بإنتظاره فاليوم دفن ابيه وهو لم يراه فقط هاتفوه وابلغوه بموت والده ليصعد طائرته الخاصه بمفرده ويأتى بأقصى سرعه ثم تذكر موت امه قبل عامين فها الأن اصبح وحيد ليتذوق شعور الفقدان للمره الثالثة فيجلس على ركبتيه وتبدا دموعه بالانهيار فرغم أنه اصبح زعيم مافيا وارتكب جميع اشكال الاجرام إلا أن مازال جزء بقلبه حى ويشعر بلآلآم
تعالت اصوات بكائه وهو يشعر بسكاكين تقطع قلبه

فى نفس الوقت
جاءت حوراء ووجدت باب الشقه مفتوح فدلفت بهدوء ووجدت يحيى بتلك الحاله فهى تشعر به وتعلم الآم الفقدان فها ايضاً فقدت امها بعد وفاة زوجها بعدة سنوات لتجد نفسها ارمله ومعها ابنة صغيره والان فقدت حاميها الاخير لتصبح هى كل شئ لإبنتها

تنهدت بعمق وتقدمت نحو يحيى وجلست امامه ووضعت يديها على كتفه ليرفع عينه الباكيه له وقالت بحزن:شد حيلك يايحيى مش كدا
يحيى من بين بكائه:مش قادر ياحوراء قلبى مش مستحمل فقدان حد تانى حتى لما امى ماتت ابويا صبرنى وقوانى وحسسنى إنه معايا طيب دالواقتى مين معايا مين هيقوينى
حوراء بجديه:انت اللى هتقوى نفسك بنفسك يايحيى لإنك ياما هتشوف فى الحياه والدنيا مش بتدى حاجه للبنى ادم إلا لما تاخد اضعاف اللى اديتهوله
يزيل يحيى دموعه ويقول بنبره باكيه:عندك حق..ثم يكمل بتساؤل:سارة عرفت؟
حوراء بهدوء:بلغتها وانهارت وكانت هتيجى بس انا منعتها قولتلها مجيئك مش هيفيد بحاجه وانت ابقى سافرلها لو قدرت لإن عرفت من أيوان أنها منهاره

اوما يحيى برأسه بمعنى نعم لتكمل هى بنفس اسلوبها:يحيى مش ناوى ترجع وتستقر هنا على الاقل يبقى فى حد مع التانى بدل ما كل واحد فينا فى حته

نهض يحيى من فوق الارض ومازال اثر الدموع بعينه ليقول بصوت متحشرج:مبقاش ينفع ارجع ياحوراء

وقفت حوراء ونظرت له بتعجب وقالت:ليه يايحيى لو على الشغل بتاعك حاول تنقله هنا انت مش شغال فى الاقتصاد خلاص سهل إنك تحوله هنا
استدار يحيى بجسده معطى ظهره لها ليقول بإنفعال:ياحوراء افهمى انا مستحيل ارجع واستقر هنا