عشاق بین العناد والکبریاء(بقلم منةالله محمود)

البارت الثاني عشر

ابغى اقول إن هوقف الرواية اسبوعين بس استحى🤭😅
معلش ياحلوين هغيب عنكم اسبوعين وان شاء الله ارجعلكم انا عارفه إن بتأخر فى تنزيل الفصول بس حرفياً والرواية دى تعبانى بطريقه رهيبة فكرة إن ادمج ابطال روايتين فى رواية واحده وجزء تانى مرهقه جداً فاتمنى انكم تعذرونى فى التأخير

اتمنالكم قراءة ممتعة وصدمات قليله😂❤️
__________________________________________

يخرج الطبيب من جناح شمس بعد أن قاما بفحصها ليجد زوجها واولادها يتقدمنا نحوه بقلق فيقول فارس بنبرة قلقه:طمنا يادكتور شمس مالها
الطبيب بجدية:شمس هانم ضغطها كان منخفض بحانب إن شكلها مش منتظمه فى علاج الضفط فى معاده
ماهر بتساؤل:طيب هى عامله ايه دلوقتى
الطبيب وهو وينظر لماهر: الحمدلله احسن بس ياريت تبعدوا عنها اي انفعال وياريت تخلوها تاخد العلاج بتاعها
صهيب بجدية:تمام يادكتور شكراً لحضرتك

رحل الطبيب ليدلف الجميع لداخل للأطمئنان على شمس ماعدا سلسبيل التى كانت تجلس بالأسفل بتوتر تخشى ما سيحدث فى هذا القصر بالمستقبل فلم يمر على مجيئها كام دقيقه وحدث هذا، فما هو الأتى إذاً

فى جناح فارس وشمس

كانت شمس جالسه باسترخاء فوق التخت تسند رأسها بللخلف بظهر الفراش مغمضة العين

تفتح عينها عندما تسمع ابنتها قمر تدلف راكضه نحوه لتمسك يدها بلهفه وهى تجلس بطرف التخت قائله بقلق:ايه ياحبيبتى عامله ايه دالواقتى
شمس بصوت متحشرج:الحمدلله ياحبيبتى متقلقيش عليا
يتقدم ادم من امه ويقبل جبينها بحب قائلاً:الف سلامه عليكى ياست الكل قلقتينا عليكى
نظرت له شمس برضا وقالت:الله يسلمك ياحبيبى
لياتى ادهم وهو يرمى جسده بجوار امه بقوه قائلاً بمرح:كدا برضو ياشموسه تقلقينا عليكى
شمس بنبرة حادة رغم تعبها:حد يخرج الحيوان ده مش عاوزه اشوف وشه
أدهم بمشاكسه:اخص عليكى ياشموستى انا حيوان ده انا العشق ياموزه

حاولة شمس أن لا تبتسم على كلامه حتى لا يظن أنها غفرت فعلته فهى بالتأكيد ستعاقبهم على اكاذيبهم

ثم نظرت لباقى ابنائها بغموض الذان يقفنا امام نهاية فراشها وترى بعينهم نظرات الحرج والخجل الذى يبدو على وجوههم كانهم حقاً ارتكبنا ذنباً اثيماً حتى أنهم لم يجرؤ على القاء كلمة واحده لها

ثم وجهت نظرها لزوجها عندما سمعته يقول بجدية:انتى ليه مخدتيش علاجك، عجبك اللى حصل ده
تنهدت شمس بتعب قائله:وتفتكر وسط اللى بيحصل ده انا هفتكر اخد العلاج
تهرب ماهر من النظر لها وقال بحرج:سلامتك ياماما
نظر لها صهيب وقال بنبرة حنان:الف سلامه عليكى ياماما
اشاحت نظرت بنظرها بعيداً عنهم وقالت بإقتضاب:الله يسلمكم
فارس بجدية:يلا الكل يطلع علشان امكم ترتاح

انصاع الجميع لأوامر أبيهم وخرجنا تاريكين والديهما بمفردهم

تقدم فارس نحو طاولة الكومود واخذ كأس الماء وبعض العقاقير وقدمها لزوجته فأخذته منه وتناولتها ثم اراحت رأسها للخلف مستنده بإستراحه وقالت بتنهيده:اليوم كان متعب اوى
فارس بجدية:ارتاحى، ولو صحيتى ولقيتى نفسك تعبانه متروحيش الشركة
ابتسمت شمس وقالت بتعب:ومن امتى المرض بيخلينى مروحش الشغل يافارس
فارس بضيق:انتى حره
كاد يبتعد عنها ولكنها امسكت كفه وقالت بنبرة ضعيفه:انا اسفه على االلى قولته، مش عارفه انا قولت كدا ازاى، بس انت عارف ماهر عندى ايه
ازال فارس كفها من يده بهدوء يشوبه النفور وقال بنبرة جافه:مفيش داعى لكلام ده