Bad boys Squab(မောင့်ရဲ့ ခိုနားရာ)
Cast-ခန့်လွန်းမောင်၊မြတ်လင်းသန့်
"မင်းတို့က မောင် ကို ဘာထင်နေတာလဲ ဟမ်"
Baseballရိုက်တံကို ပုခုံးပေါ် တင်ရင်း လူသုံးယောက်ခြံရံထားသည့် အလယ်မှာ ရပ်နေသည့် Silver blue ဆံပင်ပိုင်ရှင်ကောင်လေးက မိုက်မိုက်ကန်းကန်း။
ပင့်ထားသည့် မျက်ခုံးတို့က မော်ချီနေကာ နှုတ်ခမ်းထက် မပွင့်တစ်ပွင့် မဲ့ပြုံးက သွားစွယ်ပေါ်က စိန်ပွင့်လေးကို လက်ခနဲ ထင်းနေစေသည်။
နဖူးထက် ပုဝါအပြာတစ်ထည်ကို ဆံပင်တွေ ဖရိုဖရဲ ဖြစ်နေသည့်ကြားထဲ စည်းနှောင်ထားသေးသည်။
နားပေါက် သုံးပေါက် အပြည့်ဝတ်ထားသည့် နားကွင်းပိစိတို့က ရှုပ်ထွေးနေဟန်ပေမယ့် လိုက်ဖက်နေသည်။
တီရှပ်အဖြူ ပေါ်မှာ အနက်ရောင် ဂျင်းဂျက်ကပ်အပွကို ထပ်ဝတ်ထားကာ အောက်က ပြဲရာ ဗလပွနှင့် ကိုယ်ကျပ်တစ်ထည်နှင့် ကောင်ဆိုးလေးပုံစံက မိမိမိုက်မိုက်။
တစ်ဖက်မှာလည်း သူတိူ့အဖွဲ့နှင့် ပြိုင်ရပ်နေသည့် ငါးယောက်အုပ်စုရှိနေသည်။
"ဟေ့ကောင် ဆောက်စကားတွေများမနေနဲ့ မင်း ငါ့အလှလေးကို ဖြတ်ခုတ်သွားတာ ဘာအချိုးလဲ"
"မင်းအလှလေးကို မင်းပြန်မေးကြည့်စမ်းပါဦး မောင်တို့က အားအားယားယား ဖြတ်ခုတ်မနေဘူး မောင့်အနား အလိုလိုရောက်လာတာတော့ မတတ်နိုင်ဘူး
မင်းတို့လို သွားရေတများများလည်းဖြစ်မနေဘူး
ခွေးပစ်ပြီး လူဘက်ကပ်တာနေမှာပေါ့ ခက်တာက မောင်ကလည်း အဲ့လိုဇယားမျိုးကို ရွံနေတဲ့ကောင်!"
မောင့်ပြောစကားက တစ်ဖက်လူကို စပ်သွားစေတယ်ထင်ပါရဲ့ ဝုန်းဒိုင်းကြဲ ဆဲသံနှင့်အတူ မောင့်ဆီ ပြေးဝင်လာသည်။
"ခန့်လွန်းမောင်!! မင်း! ခွေးသူတောင်းစား!!"
ရင်ဘတ်နား ဦးတည်နေတဲ့ သံချောင်းကို ခြေထောက်နှင့်ပင် ဖြတ်ကန်ရင်း ထိုကောင့်လက်ပြင်ရိုးထက် baseballရိုက်တံကို နေရာချပေးလိုက်သည်။
"Welcome baby!"
ရန်ပွဲ စပြီမို့ နှစ်ဘက်လုံး ထိုးသံ ရိုက်ချသံတို့နှင့် ဆူညံနေသည်။
