آسميتها جارية

البارت السابع

البارت السابع
&
•
•
•
جنت اضنك ( منتظرني )
وسفة تاليها لكيتك
حيل تفرح ( #من_تضرني..! )

.
.
.#حسين_المطوري
•
•
•
..........
تحس بحراره تحرگ جسمها رغم برودت الجو احتارت شنو تسوي حتى تبرد النار اللي بيها لبست عبايتها وطلعت من الملحق مااهتمت للمطر القوي بره راحت تمشي للقصر بس بسبب الألم ماعرفت منين طريق القصر او نسته

وقررت تمشي ب اي اتجاه المهم يلفحها هوى بارد حتى تبرد الحراره اللي بجسمها
فجأه صارت الدنيا تفتر وماحست باللي صار الها بعدين وگعت ع الأرض فاقده وعيها

..........
چان طالع ياخذ جوله بالمزرعه ع الفرس مالته
رجع بسبب الدنيا اللي مطرت فجأه من بعيد لمح شي اسود ع الارض من اتقرب منه ميز انو اكو شخص نايم ع الگاع
نزل من الفرس وتقرب وبينت اله هوية الشخص
چانت نور واگعه ومبينه فاقده الوعي

تقرب منها وهزها بخوف
علاء :- ملاك ؟!
اول مره يصيحلها ب اسم صح هو من اول مااجتي چان ناوي يغير اسمها ولا ينطقه ابد بس هم مافديوم گال اسمها اللي سمى الها وهاي چانت اول مره
من شافها ماتحركت هزها حيل وحط ايده ع راسها
علاء :- هاي شنو حرارتچ نار
رفعها من الگاع ومشه بسرعه ب اتجاه القصر رغم قرب مسافة القصر بس چان يحس الطريق طويل حيل
وصل للقصر وصعد بسرعه بغرفته مددها ع السرير جانت ملابسها عباره عن طين لأن چانت فاقده الوعي ونايمه ع الطين جوه المطر 
نزعها العبايه وبعدين احتار اذاا يشيل القميص عنها او يخليها خاف يشيله عنها وتفز وتسويله سالفه بس طلع صاح ايميليا حتى تغير الها ملابسها
ايميليا :- سيدي هل هناك ثياب البسها لها ؟!
علاء :- تفقدي ثيابي والبسيها الشيء المناسب لها من الصعب الخروج بهذا الجو

ماعرفت شنو تختار الها من ملابسه راح هو بسرعه طلع الها ملابس بدون مايباوع ع نور اللي نايمه ع الچربايه ولا تدري شصاير بالدنيا وطلع اله ملابس هم ودخل الحمام يغير

غيرت ملابسها بسرعه وطلعت من الغرفه ودخل علاء يمها گعد ع كرسي بالزاويه فتح اضاءه خفيفه بعد ماطفه كل الاضويه وسد الباب
وگعد يقره كتاب
چان يسمعها طول الليل تون وتگول كلام گوه حاول يفهمه
نور :- اااه يمه .. وين اروح .. لا لتضربني .. يمه والله بردانه راح اموت من البرد
وبقت تردد هذا الكلام

حس انقهر عليها لأن نايمه بالبرد طول هذي المده ولا مره اشتكت
اتقرب منها ومسح دمعتها اللي نزلت
علاء :- اشششش اني اهلچ انتي ملكي لاتفكرين ب احد الله كريم باچر اجيبلچ ملابس واصلح التدفئه

بقه بدون شعور يتأملها للفجر سمع الاذان گام يصلي
رجع گعد بمكانه ع الكرسي

...........
ماتريد تفتح عيونها تريد تبقه بهذا الدفو اللي اول مره تحس بي من اجتي لهذا المكان
جسمها متكسر گوه تحركت فتحت عيونها ببطئ استغربت المكان اللي هيه بي صارت تجول عيونها بالغرفه
لحد ماصارت عينها بعينه گمزت بسرعه من مكانها
نور :- اآآاا انت شتسوي هنا ؟!
علاء :- انتظرچ تگعدين