بارت 28
&
•
•
•
طفوا كلبي ...
هاي اخر ليله اخسر بيهه شمعه...
طفوا كلبي ...
هاي اخر مره احجيلي ويه دمعه...
عمار التميمي
•
•
•
&
..........
(عصام)
خليت راسي على گلبها اسمعه يدگ يعني مو ميته الف الحمد لله والشكر ياربي ..
اجتني قوه بسيطه وامل طلعت اركض بيها من البيت بعد ماصحت على ام علاء تنتبه لعلاء الصغير ..
خليتها بالسيارة واتوجهت بيها للمستشفى گبل اخذوها تحاليل حتى يتأكدون اخاف ماخذه حبوب منوم اكثر من حبه وحده علمود يسوولها غسيل معده ...
يوم كامل گاعد انتظر وهي سونالها تحليلين واثبتت هي مامتناوله اي حبوب لعد شبيها ليش هيچ فاقده ..
حتى مابيها اي كدمات او شي بدماغها حتى نثبت هي واگعه ..
گاعد بالانتظار مدنگ وايدي على راسي حسيت على الدكتور من طلع من غرفتها گمت بسرعه عليه ملهوف اعرف شبيها ..
عصام :- ها دكتور فدوه طمني .
الدكتور وهو يباوع بـ اوراق بيده :- كل تحاليلها نظيفه بقه ننتظرها تصحى حتى نتأكد من شغله !!
عقدت حاجبي :- شنو الشغله خوفتني دكتور !!
حط ايده على چتفي :- لا تخاف خليك قوي لأن احتمال 70% تكون مصابه بالنوم القهري وتحتاج مساندتك اذا اثبتت هالشي .
رديت عليه بقلق :- يعني شنو النوم القهري مافهمتك دكتور اول مره اسمع بهيج مرض !!؟
نزل ايده من چتفي وهو يحچي بجديه :- هذا مرض نفسي بسبب تراكم الخوف والالام بداخل الشخص تخلي ينسحب من الواقع للنوم لحد ماتصير عاده لا اراديه وتجي فجأه وبكل وقت يستسلم للنوم بسهوله واذا تريد تعرف اكثر من تصحى من النوم روح لدكتور نفسي يباشر بعلاج حالتها .
هزيت راسي اله بدون رد وهو راح عني ..
بقيت واگف بمكاني ضايع مااعرف شسوي ادعي على فؤاد الرجال ميت مااگدر ادعي عليه مدري ادعي علينه احنه اللي مافهمناها وبسرعه سحبنه الولد منها بدون مانهتم لمشاعرها ..
لأي درجة وصل بيها الخوف والقلق من فقدان ملاذها الوحيد ومن فقدته استسلمت للأحلام هروباً من الواقع ..
YOU ARE READING
آسميتها جارية
Romanceروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!
