آسميتها جارية

بارت 14

البارت الرابع عشر
&
•
•
•
اجي تعبان ..
من الناس
من حسبات البالي !!
وتلمني سوالفك و أنسه
وتاخذني ..
بدفو عيونك
واختل ..
جوه جفنك طيف
اليطب لأحلامك تونسه ..

- باسم الخاقاني
•
•
•
............
((نور ))

والله الا اطلع ضحكتك من خشمك .
عبالك ماادري متقصد تگلب المكتب هيچ ..

مسحت المكان ورتبته والتفتت للمكتبة ..

فركت ايدي بحماس ..
نبدي بسم الله
صعدت ع الدرج الخاص وبديت شغلي ..

المكتبه اللي چانت عباره عن تنظيم والكتب مرتبه حسب الالوان .
گلبتها اله ..

كل كتاب بمكان يعني لو يدور 100 سنه ع الكتاب اللي يريده مراح يلگا ..
واني امسح بالكتب واوزعهم حسب مزاجي
لفت انتباهي كتاب ..

روايه اسمها ((حكاية الجارية ))
لازم اقره هذي الروايه ضميتها جوه هدومي بسرعه ورجعت لشغلي ..

بعد ماخلصت نص الشغل حسيت الدرج اهتز ووگعت منه ..

غمضت عيوني برعب بس قبل لا انضرب بالگاع اكو ايد لزمتني ..
بقيت مغمضه وجسمي يرجف بحضنه ..

علاء :- فتحي عيونچ !!.

فتحتها ببطئ صارت عيني بعينه ووجهه حيل قريب مني ..
انتفضت بسرعه ووخرت من حضنه .

نور :- هذا انت وگعتني ؟!
علاء :- ليش مخربطه الكتب هيچ !؟
نور :- هاي فوگ ما اانضفها الك ؟!

اتقرب مني واني رجعت بخوف ..
علاء :- وهذا تعتبري تنظيف ؟!
نور :- اي لعد شنو حتى ظهري انكسر .
علاء رفع حاجبه :- اني مرتب المكتبه حسب الالوان ليش حظرتچ مطشره الكتب هيج ؟!

نور :- واني شمدريني لگيتها هوسه ورتبتها الك .

دار وجهه مبتسم ورجع باوعلي :- اللهم صبرچ ياروح .. ولچ بابا ليش تحبين العناد !!.

نور :- عناديش اعرفك تعرفني ولتگول بابا اني مو بنتك.

تقرب مني اكثر واني ارجع لحد مالزگت بالمكتبه ورايه ..

علاء :- ماعندچ غيري يعني اني ابوچ واني امچ واني اخوچ وكلشي بحياتچ اني .

ردت اوخر وخله ايده منعني اتحرك ..
علاء :- صيري حبابه ولتعاندين تره تخسرين هواي .

نور :- خلي اخسر اذا خسارتي تبعدك عني قابله حتى لو توصلني للموت .

رأسن خله ايده على حلگي :- لا تجيبين طاري الموت على لسانچ لا اگصه الچ .

بقه صافن بعيني دقيقه تقريباً وبعدين وخر ايده وعافني وراح ..

..............
((علاء))

ابتعدت عنها حتى مااضعف اكثر ..
شي بداخلي يريدني احضنها بس اني مااريد وعاندته وابتعدت بسرعه ..