آسميتها جارية

بارت 29

بارت 29

&

•

•

•

هلي واخر مكاتيبي
كتبتها الكم على الكاع
ابنكم باعته الدنيا ولا باع .

عريان السيد خلف

•

•

•

&

.........
( نور )

علاء :- رمضان كريم

بهتت بمكاني مستحيل شنو يگول هذا شنو رمضان اكيد غلطان ميعرف التقويم ..

سألته بخوف من الجواب :- يعني شنو ؟؟!

جاوبني بهدوء وهو مركز نظره عليه ..

علاء :- انطوها بالعراق باچر رمضان .

هزيت راسي برفض :- مستحيل

عقد حاجبه :- ليش مستحيل ؟!

نور :- واهلي ؟

علاء :- كم مره لازم اعيدها عليچ اني اهلچ وبس .

نزلت دمعه خاينه گدامه والتفتت بسرعه طالعه من المكتب حتى مااسمحله يشوف باقي دموعي ..

شلون يعني ابقه رمضان وحدي بدون لمت اهلي بدون عيون امي مااگدر والله مااگدر ..

وين راحو اهلي ليش لحد هسه مالگوني معقوله ملو من البحث عني ..

بداخلي كلامه من يگولي اهلچ نسوچ وانسيهم بس گلبي وعقلي اجتمعو اخيراً على عدم التصديق ..

دخلت للملحق ودموعي غسلت وجهي ورسمت الالم بعيوني صعبه حيل صعبه رمضان بدون العائله ..

تمددت على فراشي واني بعيني جمعة اهلى على فطور رمضان ضحكة بابا وهو يوكل ماما لو هي خجلانة من عدنا ووجها احمر من الخجل ..

لو منظر بيبي روعه وهي تحجي على بابا تگوله عيب منا البنات احلى شي من تضرب صدرها وتكرر بسرعه :- يااااا يااااا .

واحنه نضحك وواحد يباوع بوجه الثاني ..

انور ميحب اللبن ابد ميشربه واني كل يوم قبل الفطور اسويله عصير نومي بصره واخلي بالفريز يجمد اله ..

غدوره متاكل تمر بس بابا يجبرها تاكل وحده يگوللها كل الفوائد بي وهاي كل يوم يعيد نفس الفوائد وتنجبر تاكل وحده ..

علي مايحب ياكل اكل دسم اول مايفطر ياكل بس شوربه وبعدين وئام تصبله فطور وره ربع ساعه ..

اتذكر عبودي يطفر فوگانه لحد ما يعيط بي علي يلا يستقر ..

هذا ثاني رمضان حزين على اهلي الاول انور ماكو وهذا رمضان اني ماكو ..

بس اكيد ضايجين مني لأن مفكرين انور سافر مجبور بس اني عفتهم علمود دراسه وونسه ميدرون افديهم بروحي مو بس بدراستي ..