البارت الثاني عشر
&
•
•
•
من كلشي اغار...
يا ألذ وابيض سمار
انا من كلش اغار.
من برائه خيط ثوبج..
من اصابيعج على زلوفح اغار
من التراجي والمحابس والسوار
#القصاب
•
•
•
&
..............
گعدت الصبح متكسره لأن نامت بعد ماشبعت بچي وحتى راسها يوجعها ..
گامت سبحت وطلعت بدلت لبست شي ثخين وراحت للأسطبل ..
بعدها ماوصلت للأسطبل وحست ايد سحبتها حيل وسدت حلگها حاولت تصرخ تخلص نفسها ماگدرت ولا تگدر تدير راسها تشوف الشخص اللي ساحبها ..
لأن لاوي ايدها ..
ماتعرف شگد بعدها عن القصر والاسطبل لأن ساد حلگها حيل ويسحبها اخذها بزاويه دفعها ع الاشجار حيل اندارت وانصدمت باللي واگف گبالها .
نور :- انت !!!!!
...... :- يجب ان اتكلم معكِ .
نور بخوف :- ماذا تريد مني من انت ؟!
...... :- انا اسمي ويليام .
نور :- وماذا تريد ؟!
ويليام :- اريد مساعدتكِ
نور :- ولماذا تساعدني ؟!
ويليام بحقد :- لأني اكره السيد واريد ايذائه .
نور :- ولكن انا لا اثق بك .
ويليام يتقدم عليها بخبث :- حتى انا لا اثق بكِ ولكن اعرف انكِ تكرهين السيد وتريدين الخروج من هنا .
نور :- انا لا اعرف اسم الدوله التي انا بها الأن .
ويليام :- اذا ساعدتيني بكل تأكيد اساعدكِ واخبرك عن اسمها .
نور قرت الشر بعيونه وقررت ماتثق بي لأن ماتعرف شنو ممكن يسويلها وهيه بغربه تبقه يم علاء لحد ماالله يفرجها ولا تعيش برعب اكثر بسبب هذا .
نور وهيه تسحب صخره صغيره من الگاع بدون ماينتبه تبتعد خطوات تستعد للهرب :- اسفه ويليام لا يمكنني مساعدتك (( وشمرت الصخره على راسه وشردت )) .
بقت تركض وتحس احد وراها يركض وكلما تحس يريد يوصلها تصرخ وتركض اسرع تاهت وهيه ماتعرف الطريق .
..........
رئيس الحراس :- سيدي بحثنا في كل مكان انا ومارك لم نجد لها اثر .
علاء وهو يمسح ع وجهه :- لا يعقل ان تكون هربت المزرعه كبيره واسوارها عاليه وهناك المزيد من الحراس انا اخاف ان يكون قد حصل مكروه لها .
ايميليا :- حفظها الله ورعاها انا ايضاً بحثت في ملحقها الخاص .
علاء التفت على مارك :- نادي جميع العاملين في المزرعه واجعل الحراس يبحثون في كل شبر في هذه المزرعه لا يحل المساء الا وهم عاثرون عليها .
مارك :- حسناً كما تأمر .
طلع مارك وطلع ورا علاء بس وگفته امه .
ام علاء :- يمه وين رايح ؟!
علاء :- اريد اشوف كامرات المراقبه يمه گلبي مامرتاح ؟!
ام علاء بهدوء غريب :- هيچ خايف عليها ؟!
علاء بـ ارتباك :- ماادري
وطلع بسرعه قبل لا تستجوبه امه اكثر .
منى :- عساهم يلگوها ميته ونخلص منها .
ام علاء :- لا تدعين حرام .
منى :- مو حرام والله ادعي عليها القاتله عساها محروگه لو منتوله بكهرباء ومفحمه .
ايناس :- كافي يمعوده شبيج صلي ع النبي لا ترجع الدعوه علينه .
ام علاء :- استغفر الله ادعولها ترجع بخير وسلامه .
منى :- مو امييين .
وعافتهم وصعدت لغرفتها .
ام علاء :- شلون بهاي البنيه شوكت تبطل الحقد اللي بگلبها البنيه شعليها ؟!
ايناس :- هم معذوره يمه ماتتذكرين فؤاد شلون چان قريب منها واكثر من اخ بالنسبه الها .
ام علاء :- اي والله سوده عليه الله يرحمه .
مسحت دمعتها وگعدت تقره ايات وادعيه حتى يلگون نور .
YOU ARE READING
آسميتها جارية
Romanceروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!
