البارت التاسع عشر
&
•
•
•
هذاك أنت
گضيت أسنينك أعله الـ آه
ياهو العزب أعيونه لـ بواچيك
وياهو الذم تعب روحه وعشگ فيّـك
جواد زغير
•
•
•
..........
((نور))
اني متأكده من نفسي قفلت الباب بالمفتاح ورجعت ثلاث مرات تأكدت من الباب مقفول وعفت المفتاح بالباب حتى مايگدر يفتحه هذا شلون فات ..
چان بنص الصاله وبيده شاش ومعقم ودهون وچانت علبه ادويه واگعه من ايده وهو مدنگ يلم الحبوب من صار خيالي عليه هو رفع راسه باوعلي ..
سألته برجفه :- شلون فتت ؟؟
رد ببرود :- من الباب ؟!
جاوبته بنفس النبره :- بس اني قفلته !!
هز راسه برفض ورد ببرود :- چان مفتوح ودخلت
گلتله :- مستحيل اني متأكده قفلته ورجعت 3 مرات تأكدت من القفل !!.
عقد حواجبه وگال بنبره بيها عصبيه :- شنو اچذب عليچ گلتلچ شفت الباب مفتوح حتى استغربت فاتحته على النص ..
اشرلي ع الغرفه :- يلا امشي مددي خلي اعالج جروحچ .
جاوبته بقهر :- على اي اساس تطلب مني هيچ كافي تره تجاوزت حدودك هواي .
رد بنتره :- ياحدود لتنسين انتي ملكي وجاريتي .
ضربت راسي بحرگه :- ادررري ادرري تره اعرف اني جاريتك خدامه عندك بس حرام كل شويه فايت عليه وشايف جسمي انت مو تقره قرآن وتصلي ماتعرف الحلال والحرام ؟!
حط الغراض ع القنفه واتقدم مني بهدوء ولزم ايدي نزلها عن راسي وبقه لازمها بقوه وركز بعيوني گال بهدوء عكس عيونه اللي چانت تجدح شرار :- اني اعرف الحلال والحرام مو انتي تجين تعلميني واعرف اللي جاي اسوي غصباً عليچ وعلى اهلچ حلال وبكيفي اسوي اللي يعجبني واذا مارحتي مددتي هسه اسوي شي مايعجبچ ؟!
رديت عليها بخوف وارتباك :- ش شش شتسوي يعني ؟!
جاوب بهمس وهو يقرب وجهه من اذني :- شي يرضي الله بس مايعجبچ وكلشي توقعي مني .
باوعتله بخوف وهو كمل :- هاا هسه شگلتي تمددين مثل الشاطره واعالجچ لو اسوي كلشي بطريقتي ؟!
هزيت راسي واني اجر ايدي منه بخوف :- لا الله يخليك لا عوفني بحالي على الاقل ارحم ضعفي كافي شوهتوني انت واهلك حتى اخوك بگبره رضا عليكم وارتاح بس خلوني هسه بحالي ؟!
تغيرت نظرته لنظرة حقد :- تتوقعينه ارتاح واخوج عايش ؟!
صحت بوجها :- عوف اخويه بحاله عوفه مو اني اخذتوني جارية الكم قابله بكلشي عسى ماتذبحوني بس عوف اخويه .
ضربني راجدي بقوه جرح شفتي ولزمني من ايدي سحبني للسرير حاولت اقاومه وادفع بي بس هو شگ القميص عليه وقيد حركتي واني اصرخ صاح عليه :- والله ادمرچ اذا تحركتي انهي حياتچ .
YOU ARE READING
آسميتها جارية
Romanceروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!
