البارت التاسع
&
•
•
•
وآنة ادري باجر لو طحت ،
تمشي وبعد متريدني ،
هوَ آنة مافادوني اهل ،
انتَ الغريب تفيدني ! " ...
•
•
•
.............
وصلو المزرعه ورجع گلبها انقبض خايفه من هالمكان ماترتاح بي وهيه بطبعها تكره كلشي مجهول وهذي المزرعه بالنسبه الها مجهوله وبيها حياة مجهوله ومرعبه بالنسبه الها
چانت سرحانه ومركزه عيونها على مكان واحد بدون ماتنتبه هيه وين تباوع لأن اصلاً فكرها بعيد ...
علاء بعصبيه :- ياحيوانه يابنت الكلب هاي گدام عيوني هيج لعد ورايه شلون (( لزمها من الحجاب وجر شعرها ويا ))
نور وهيه تصرخ :- شكو شكو بس غير اعرف شبيك ؟!
علاء :- ولج گدام عيوني تباوعيله ادبسز عجبچ اخذه الچ ولج لاتنسين نفسچ انتي جاريه عندي اموتچ والله انهيچ من الوجود
نور ساكته وبس تبچي تحاول تخلص من ايده
علاء :- احچي حيوانه عجبچ مو ؟!
نور وهيه تبچي :- منو هو منو شبيك !؟
رفع راسها حيل خلاها تشوف اللي واگف ومنتچي ع الحايط يدخن ومومنتبه الهم
علاء :- تسوين روحچ فقيره مو ياكلبه انزلي اليوم ماابقيچ عدله .
نور :- والله انت مريض اني حتى ماانتبهتله وداعة امي چنت صافنه .
علاء :- انعل ابوج لابو امج ال ..... ولج اني تكوليلي مريض اني اريدلي حجه حتى اموتج .
خلصت نفسها من ايده ونزلت من السياره تركض للملحق اول ماوصلت قفلت باب الملحق عليها من كثر خوفها مااتطمنت لقفل باب الملحق سحبت القنفه وحطتها على الباب وركضت للحمام وقفلته عليها وبعدها مامتطمنه وحسته ممكن يدخل عليها ويضربها
............
فات عليهم للصاله منجمعين ويسولفون ماعدا ابوهم چان صافن بغير عالم
علي :- السلام عليكم
الكل :- وعليكم السلام
تقدم باس راس ابو وبيبيته وامه وگعد يمهم
وئام :- اصبلك الغده ؟!
علي :- اي والله ميت جوع
وئام وهيه تگوم :- هسه صار
اندار علي على امه :- يمه وين عبودي ؟!
ام علي :- بغرفة محمد يلعب بلي
علي :- جبتله بايسكل خلي يلعب بي بلكي يضعف كافي من البلي .
ام علي :- اي والله علواه حتى گوه يمشي من السمن حتى موزين علي .
الجده ام حسين :- چا هو شني السمن مرض طبعاً موزين عليه زين سويت يمه خلي يطلع ويلتهي بالبسكيل حتى مايعارك احد .
علي وهو يضحك :- ههههههه يمه مو بسكيل بايسكل ههههه
الجده ام حسين :- چا شمعرفني بحچيكم انه
علي گام باس راسها :- فدوه لكلامچ الحلو .. يلا خلي اروح اصيح عبودي يجي يشوف بايسكله .
.........
دخل لغرفة محمد ظلمه وبارده وبس ضوى التلفزيون وصوت البلي العالي وعبد الله مندمج ويه اللعبه .
علي :- السلام عليكم .
عبد الله مندمج ومايرد
علي صاح بعصبيه:- هيي مو جاي نسلم
عبد الله رفع راسه ببرود :- هلا يابه وعليكم السلام .
ورجع كمل لعب .
علي :- گوم عوف اللعب عندي الك مفاجئه.
عبد الله وهو مركز ع اللعبه :- شنو هيه ؟!
علي مطول باله ويا :- گوم وانت تعرف .
عبد الله :- لعد خليها بعدين .
علي هالمره ماتحمل ابنه وبروده لزمه من ياخة قميصه وصاح عليه :- گوم لك من احچي وياك اني تعوف كلشي وتگوم يلا گدامي .
عبد الله عدل قميصه وطلع ويه ابو يشوف شجايبله .
..............
گاعدين بالكوفي انور وحسام وجماعتهم يودعون انو قبل لا يسافر لأن باقي 3 ايام على سفره دگ تلفون انور واستأذن منهم وگام يرد على تلفونه .
أنت تقرأ
آسميتها جارية
Romanceروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!
