بارت 35 الاخير ( الجزء الاول )
&
•
•
•
مو مالت وداع هستوّنه متلاڪين
بعدها عيوننا من المستحة مدنّڪة
بعدها تشوفنا عيون الشمس، ظلّين
مالحڪنا نڪسر عينها بشبڪة
•
•
•
&
........
( عصام )
رجعنه للعراق قبل الزياره ولحگنه علاء ..
اول ماخلصت بديت علاج ايناس لأن فقدت السيطره على نفسها واحتاجت دكتور نفسي يتابع حالتها ..
وصف الها منشطات علمود نحسن اليقظه ونقلل النعاس المفرط بالنهار ..
وايضاً مضادات اكتئاب حتى نعالج الخدر والهلوسه وشلل النوم ..
اخر فتره صار عدها هلوسه مو طبيعيه لدرجه تقفل الباب عليها ومره وصلت حتى كسرته وهي نايمه ماتدري ..
ضميت عنها السچاچين وكلشي حاد حسب توصيات الدكتور ..
اليوم گاعده بالغرفه ووضعها طبيعي شويه ..
علاء اخذته بيبيته ام علاء وهي بقت وحدها استغليت الفرصه ورحت يمها ..
شفتها گاعده تلون بدفتر تلوين مال اطفال ..
ضحكت عليها :- شنو طفله انتي تلونين بهذا !!
ايناس :- احب الون بي اندمج بسرعه .
گعدت بصفها :- شلونچ اليوم ؟!
ايناس :- الحمد لله دا اجبر نفسي ابقه صاحيه اطول فترة ممكنه .
عصام :- الحمد لله .
مديت ايدي العب بخصلات شعرها حسيتها ارتبكت قربت الخلصه من خشمي شميتها ..
هي ابتعدت شويه اتقربت بستها من خدها گامت ترجف بشكل مو طبيعي ..
وخرت عنها بخوف :- شبيج حبيبي ليش هيچ ترجفين.
ايناس:- عصام الله يخليك لا تقترب مني الله يخليك.
حيل ضجت :- تمام براحتج راح اطلع .
اسمعها تصيح ورايه وتعتذر عفتها وطلعت .
قلقتني بهاي حركتها اللي يشوفها مامتزوجه قبل .
............
( علاء )
رجعت لليونان گبل رحت الها لغرفتها حتى ماارتاحيت من السفر بس اشوف وجهها ارتاح.
دخلت عليها للغرفه چانت گاعده بالزاوية مخليه راسها على ركبتها ومغطيته بأيدها .
اتقربت منها بهدوء وگعدت گبالها لزمت ايدها رأسن فزت ..
STAI LEGGENDO
آسميتها جارية
Storie d'amoreروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!
