آسميتها جارية

بارت 20

بارت 20
&
•
•
•
اروح لوين ؟
شكثر من بحر ذبيت بي روحي
ولكيتك عالجرف تابوت تبرالي
اروح الوين ؟
مامش بيت من سوالفك خالي

كاظم اسماعيل الكاطع
•
•
•
&
.............
(( نور ))

اتقرب مني وهو مبتسم :- تتوقعين ارجعچ الهم ؟!

اختفت ابتسامتي وهزيت راسي برفض ..
كمل بهدوء :- انتي يم اهلچ لأن اني اهلچ كلهم هذولاك ماتو گلتلچ ماعندچ غيري انسيهم .

عيوني امتلت دموع گلتله بتوسل :- اريد امي ..
مسح دمعتي اللي نزلت ورد بنفس النبره :- انسيها محد يريدچ كلهم نسوچ ..

كملت بتوسل :- الله يخليك انت مو امك عندك ولورين عدها امها حتى ابويه امه عنده ليش تحرمني من امي خلي اشوفها ..

عقد حاجبه وكمل :- روحي حظري ملابسج لتلحين بهذا الموضوع  تره يصير شي مايعجبچ .

دنگت ب انكسار وطلعت من يمه للملحق من فتت للغرفه ردت ارجع اگوله ماعندي جنطة سفر ..

صارت عيني على جنطة سفر مفتوحه على سريري وبيها ورقه ..

فتحتها (( افهمج قبل لا تطلبين مني .. هسه عرفتي ليش اگولچ محد يفيدچ غيري ))

عقچت الورقه حيل وشمرتها بالزباله وصحت بصوت :- حقير حيوان تريد انسه اهلي وابقه وياك ليش اني شنو شفت منك غير الضرب والاهاين وفوگ كل هذا تشوف جسمي وتصيح حلال بكيفه يفتي الحقر ..

گعدت بالگاع واني ابچي وارجف بقهر ياربي اريد امي والله بعد مااگدر اصبر راح اموت قهر اذا مااشوف امي انتهي ..

اه ياربي دخيلك انطيني الصبر والقوه كون ارجع الهم قويه ولو اخر يوم بعمري بس اشوف امي ووراها كلشي مااريد ..

گمت فتحت الكنتور طلعت الملابس الي بي ورتبتهم بالجنطه رحت للحمام جبت فرشة الاسنان والمعجون خليتهم بالجنطه ..

ردت اخلي علاجي بس فكرت اكيد راح يجبرني هو يخلي شمرته كله بالزباله ومااخذته سمعته يدگ باب الملحق عاندت مافتحته ..

گمت بدلت ملابسي ببرود ولفيت حجابي ولبست حجابي سحبت الجنطه وطلعت وره ربع ساعة من دگة الباب ..

فتحت الباب شفته واگف ظهره ع الحايط ورافع تك رجل هو طويل وعنده عضلات وضخامه بس مو مبالغ بيهن يعني جسم رشيق بس ..

لابس بنطرون كابوي وقميص اسود وفاتح اخر دگمتين ولابس مناظر شمسيه ومخلي ايد بجيبه وايد يشرب جگاير بيها ..

من شافني طلعت رأسن شمر الجگاره وعدل وگفته وهو يدوس الجگاره برجله تقرب مني اخذ الجنطه من ايدي وهو يمشي گدامي واني لحگته ..

اشرلي اصعد بالصدر ماقبلت عاندته وصعدت ليوره هو خله جنطة السفر بجنطة السياره ورجع صعد بمكان السايق نزع المناظر وهو يباوعلي من الجامة اللي فوگ السايق ..