آسميتها جارية

بارت 27

بارت 27

&
•
•
•

تايه وشايل جنطتي

وكل شبر بلگاع يندهني  بــ غريب ومالي ديرة

يا غريب
وغربتك ما منهة غربة .

جنطتك شالت تذاكر يا مدينة..!

علي ماجد

•
•
•
&

...........
(ايناس)

رديت عليه ودموعي تنزل :- يردون ياخذون ابني لتخليهم ياخذو الله يخليك .

عقد حاجبه ورد عليه بغضب ..
عصام :- منو ياخذه !؟

رجفت بخوف بس شجعت نفسي احچيله لأن اعرف بعد ماالي غيره بالدنيا وان شاء الله مايكسر بخاطري ..

ايناس :- عصام اني داخله على الله وعليك تسمع قصتي وتنصفني ولا تحرمني من ابني .

لاحظ رجفتي لزم ايدي يطمني وسحبني اگعد ع القنفه حاول ياخذ علاء ماخليته ..

حچه بقلق ..
عصام :- ايناس من شنو خايفه ومنو يريد ياخذ علاء قلقتيني هو بين اهله ليش تخافين عليه احچيلي وطمنيني ؟!

بديت احچيله قصتي واني احاول اسيطر على خوفي ورجفتي :- اني وفؤاد من اتزوجنه اول يوم الكل يدري بينه سافرنه لبنان هناك استقرينه علمود شغل فؤاد ..

سكت واني ابلع ريگي من الخوف وهو يباوعلي بنظرات تحثني اكمل الكلام ويحاول يطمني بعيونه ..

كملت واني گوه لازمه دموعي :- اول ماوصلنه واستقرينه بالفندق طلب مني ابدل واگعد ويا بالصاله لأن عنده موضوع ويايه ..

واني سويت مثل ماراد شفته ارتبك ومايگدر يحجي ابتسمت اطمنه حتى يگول شنو موضوعه ويايه ..

باوعلي وعيونه مليانه دموع ..
فؤاد :- ايناس انتي بنت خالتي واني احترمچ الله شاهد من احنه صغار ماشفتچ غير اخت ..

سألته بحزن :- لعد ليش تزوجتني ؟!

دنگ وكمل كلامه :- لأن ماعندج غيرنه امي رادتچ تبقين يمنه وطبعاً ماكو غيري ياخذچ لأن علاء اخوچ ميصير .

هزيت راسي واني گوه لازمه دموعي وهو كمل :- ايناس اني احب وحده وامي ماقبلت اخذها بس اتزوجتها من زمان اموت عليها مااگدر اعوفها بس انتظرها تكمل امورها اخذها ونرجع للعراق ونخلي اهلي امام الامر الواقع ..

عفته وگمت بدون رد ومن يومها تجنبته حتى اكل مياكل يمي يجيب مسواگ ويطلع من البيت بقيت كله وحدي انام واگعد واكل وحدي ..

حتى خالتي من تتصل اطلع اله الف عذر ومااگوللها عايفني ويم مرته الثانيه لأن واعدته مااحچي بيها ..

لحد مافديوم وره 7 اشهر من زواجنه دخل عليه وملابسه متربه ويبچي وشايل بيده طفل ..

چنت گاعده على القنفه وهو اتقرب مني وگعد على ركبته يم رجلي وحط الطفل بحضني ..