آسميتها جارية

بارت 21

بارت 21
&
•
•
•
كلشي منك !
عيوني من ما تغفه، منك
الليل من ما يگضي، منك
من اتيّه بـ شارع وما ادري المن، هاي منك
من يصيحوني البگربي
ومـا اردّ لـ صواتهم .. هالصفنة منك
كلشي منك !🍂
•
•
•
&
..............
((نور))

نزلت ايده بقوه واني اصرخ :- لا تفتي بكيفك والله حرام حرام شنو اللي يخليك هيچ واثق وتصيح حلال ؟! .

ابتعد عني خطوات وحچه بهدوء :-  زين اهدي .. اني راح اطلع وانتي بدلي وممنوع تقفلين الغرفه بعد.

دنگت واني الم البرنص اكثر على جسمي وهو كمل كلامه بنبره خاصه ماعرفت افسرها :- نامي ارتاحي ورانه طلعه الصبح اني وياچ .

هزيت راسي بدون مااباوعله وهو طلع من الغرفه وطبگ الباب ورا تنفست بقوه بعد ماچنت كاتمه نفسي من الخوف ..

رحت للباب قفلته وبقيت المفتاح بي ورجعت فتحت الجنطه وطلعت ملابسي رتبتهم بالكنتور ..

وطلعتلي على جهه دشداشه قصيره البسها وقت النوم كملت ولبستها ورحت تمددت بفراشي ..

سمعته يدگ على باب الغرفه ..
صحت :- شتريد اريد انام ؟!

رد :- تعاي اخذي علاجچ ونامي .

صحت :- ياعلاج اني كله عفته بالمزرعه ماجبت علاج ؟!

ضحك ورد :- اعرف خبالاتج وجبت ويايه تعاي اخذي يلا ..

رحت فتحت الباب شويه ومديت ايد منها اشرتله ينطيني العلاج لزم ايدي ومسح عليها بهدوء ردت اسحبها ماخلاني ..

بقه دقيقه وهو يمسح على ايدي بعدين حسيت ملمس دافي عليها عرفته باسها رچيت راسي على الباب ودموعي تنزل بهدوء ..

حسيته خله حبايه ب ايدي ورأسن سحبت ايدي وطبگت الباب وقفلته بدون مااحچي كلمه ويا شربت الحبايه وبلعتها بدون مي ..

تمددت ع السرير دقايق وحسيت روحي انسلبت مني واستسلمت للنوم بسهوله ..

...........
(( علاء ))

شي بداخلي يريدها يريد يشوف شكلها وهيه نايمه يركز بتفاصيلها مااسوي شي بس اشوف ملامحها وهيه نايمه ردت انطيها علاجها ..

شدني منظر ايدها واصابعها المتناسقه وطويله واظافرها طوال بترتيب وبيضه ثلج بحيث من لزمتها رغم اني حنطاوي حسيت نفسي اسود ..

بقيت لازم ايدها امسح عليها بهدوء مااسمح الها تاخذها مني دنگت عليها بستها حسيت ببرودت ايدها على شفتي خليت الحبايه بيها وهيه سحبتها بسرعه ..

وطبگت الباب قفلته واني رحت مددت على القنفه بقت عيني على الساعه واني احسب ويه الثواني مالتها ..

مرت ربع ساعه گمت سحبت مفتاح الغرفه وفتحتها ودخلت بهدوء ..

شفتها متمدده ع السرير وتنفسها منتظم يعني مية بالمية نايمه قربت ايدي من وجهها حركتها گرصتها ع الخفيف ب ايدها ماكو ردة فعل ..