آسميتها جارية

البارت الاول

البارت الاول

روحـَي ياروحـُي شبعّد بيهـٰا وألمهـَا ..
روحـَي داسـُوا فوگهـٰا وكسروَ عظمها !

- الگاطع
.

........

... :- يمه فدوه اروح لعيونج كافي رحمي نفسچ ورحمينه والله نتعذب من نشوفچ هيج
ام علي :- والله احس نار تحرگ گلبي ابني مااعرف وين ماكل شارب مرتاح نايم ولو منين تجي الراحه وهو مهدور دمه
... :- ماما كل احنه مشتاقين ل انور بس مابيدنه شي غير الدعاء يارب يرجع سالم النه
ام علي :- تعاي يمه تعاي احضنج اشم ريحة اخوج بيج يمه انور شلون بيك يمه منين اجتك هاي شلون ورطه ورطت نفسك بيها
.
.
بعد ماساعدت امها تنام وغطتها وطلعت قابلت ابوها يم باب الغرفه وشافت بعيونه نفس النظره نظرة الحنين ل اخوها اللي يشوفونه بعيونها شلون لا وهو اخوها التؤام انور اللي من انولدت همه سوه ومافارگها لحظه وحده
... :- تصبح ع خير بابا حبيبي
ابو علي تقدم وباسها براسها وماگدر يسيطر ع دمعه خاينه نزلت من عينه :- وانتي من اهله بعد ابوج
.
............
غدير :- كافي نور انتي هم رحمي نفسج گاعد اشوفج تواسين امي وابويه وانتي متأذيه اكثر منهم
نور :- موبيدي والله احس مشتاقتله ماتعودت هالگد نتفارگ ولا اسمع صوته مرت سنه واحنه مانعرف شي عنه
غدير :- ادري وحقج والله بس ادعيله الحمد لله هو عايش وبخير لو هنا جان من زمان كتلو
نور :- اسم الله عليه فدوه اروحله كون اموت ولا يصيرله شي
.
.........
ضغط ع التلفون بقوه شلون يتجرئون يطلبون الصلح واحد مراهق طايش يكتل اخو ويتم ابنه ويجون بكل صلافه يطلبون صلح
... :- اني يومين ونازل بغداد گوللهم يجون اريد اقابلهم بس اكد عليهم يجون وحدهم مااريد احد يعرف بجيتهم اليه
سالم :- صار سيدي مثل ماتأمر
طفه الجگاره بقهر .. اتمناهم گبالي ويگولون يردون صلح بس اني اعرف شلون اذلكم بين العشاير والناس كلها تردون صلح مو اني الك ياانور حسب مايگولون الدم بالدم بس اني اگول الاخ ب الاخت وانته بديتها .
.
.
........
ابو رائد :- والله ياخويه اني مامتطن لطلبه شمعنه طلبنه بس اني وياك وحدنه احس ورا شي
ابو علي :- ماادري ليش عندي خوف وامل اتمنى اروح ومااروح بس خلي نتوكل على الله ونشوف شيريد
ابو رائد :- يارب يقبل بالصلح والله لو ابيع اللي فوگاي وجواي قابل المهم يرجعون ولدنه
ابو علي :- ان شاء الله خير يارب شوكت يريدنه ؟
ابو رائد :- حسب ماگال سالم باجر العصر يريدنه
.
.
......
وصلهم العامل للمضيف دخلو وسلمو ع اللي كاعد بصدر المضيف
وجهه كله قسوه ومايبشر بخير ابد وانسد باب الصلح بوجههم حتى قبل لا يطلبو من عنده
بعد السلام البارد بين الطرفين
ابو رائد :- انته طلبت من عدنه نحظر واحنه كلنه امل يكون طلبك لانك موافق ع الصلح
ابو علي :- احنه ندري اللي صار مو قليل وحقك لو شنو تحجي بس اني مستعد لو تطلب روحي ماارخصها بس خلي ابني يرجع ل امه.
... ب استهزاء :- متأكد لو شنو اطلب راح توافق
ابو علي بتردد :- ان شاء الله
... :- اني موافق ع الصلح
ابو رائد وابو علي واحد باوع للثاني بفرح بس انكسرت فرحتهم من كلمه حاقده وماحسو ب الاطمئنان
... :- بشرط !!
ابو رائد :- ان شاء الله مگدور عليه بس المهم يرجعون ولدنه
... :- ركز عيونه على ابو علي :- طلبي منك
ابو علي :- شنو هو ؟! .
... :- نور .
ابو علي :- .........
.
.
.......
@اسفه على قصر البارت بس هاي البدايه فقط