البارت الخامس عشر
&
•
•
•
هذا شارعكم وصلته
وجايب وياي الخريف
علمت روحي الشجاعة
وبطلت من الرجيف
تالي خفت الباب ادگه
وگمت ادگ عله الرصيف#علي_جواد_الركابي
•
•
•
...............
((غدير ))گعدت متعاجزه ومتكسره ومالي خلگ اشوف وجهه .
گمت بدلت وحظرت غراضي ونزلت صبحت عليهم وگعدت اتريگ وياهم ..
طبعاً اخواني عدهم علم رائد اجه ياخذني للدوام بابا گايل الهم ..
علي :- اكلي بسرعه لا تأخرين رائد عن الدوام .
غدير :- والله محد گايله يجي يوصلني .علي :- مفروض تفرحين مأجل اموره علمود خلقتچ .
غدير :- علي رجاءاً لا تنرفزني من الصبح گوه عليه گاعده تره والله ارجع انام ولا اداوم ولا اشوف شكله .
ابو علي :- كافي علي عوف اختك بحالها .علي :- هذهو عفتچ بس اتزقنبي .
سمعنه دگت الهورن مالته .. وطلعت مجبوره من خبصت علي .
واحس رجلي گوه تتحرك يعني حتى رجلي كارهه الروحه ويا وماجاي تطاوعني بالمشي ..ردت اصعد وره بس ماقبل الا اگعد بالصدر .
صعدت ..
غدير :- السلام عليكم .
رائد :- وعليكم السلام .حرك السياره وهو مبتسم ابتسامه غريبه ..
رائد :- تصدگين هذا احلى صباح .غدير :- شنو الحلو بي صباح عادي مثل كل يوم .
رائد :- يعني انتي هيچ تشوفي ؟!غدير :- اي ليش ؟
رائد :- غدير اني احبچ .ليش رجفت ليش تمنيت اضربه بكلشي يجي ب ايدي ماشفت مثل حقارته .
غدير :- واني مااحبك ولا راح احبك ومستحيل احب واحد مثلك حقير وچذاب .
وگف السياره بسرعه .
رائد :- هووب هوووب شبيچ شنو هالحچي شگايليلچ عليه .
غدير :- شنو گايليلي ولك اني شاهده على كلشي ليش تغشم روحك ؟!رائد وهو فاتح عيونه بعصبيه :- هو غير افتهم شكو ؟!
غدير :- يعني تحبها ومن ماتت گلت خلي اخذ اختها عبالك احنه لعبه ب ايدك من تروح فدوه لتراب گبرها .رائد :- ولچ والله لو ما العالم منا چان انطيتچ راجدي كسرت سنونچ بحلگچ .
غدير :- والله عندي تضربني اهون من تضحك على مشاعري ومشاعر اختي .رائد :- ولچ هي غبيه يااخت شنو احبها شهالغباء نور اختي وعمري مشايفها غير اخت حتى سلام ماچان بيناتنه الله يرحمه تستحي ترفع راسها وتباوعلنه .
غدير :- اي صح اختي احسن منك وماتستاهلها بس انت مريض نفسي شفتها ماانطتك مجال واتوفت وهسه اجيتني مووو ؟
رائد :- غدير والقرآن وصلت حدها وياچ ولعبت نفسي من غبائج ولچ اني من وعيت ع الدنيا حبيتچ انتي من احنه صغار اني احبچ وراسم حياتي وياچ .
VOCÊ ESTÁ LENDO
آسميتها جارية
Romanceروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!