البارت الثامن
&
•
•
•
اني وگلبي
غنينه اعله كلمن عافنه
رايحين وكافين الناس من اعتابنه
#رائد_ابو_فتيان
•
•
•
..........
علاء :- وليش تسألين ؟!
نور :- هيچ بس ردت اعرف
علاء :- امشي يلا
طلعو هو وياها متوجهين للسياره حتى يروحون يشترون ملابس لنور
غادرت السياره المزرعه لاحظت نور المكان جنه مبين دوله اوربيه يعني هيه شلون اجتي لهنا بدون فيزا وخلال يوم واحد وصلت لهيج دوله وحتى ماتعرف اسمها
نور :- ممكن اسأل ؟!
علاء وهو مركز بالسياقه :- تفضلي
نور :- هذي الدوله الها فيزا ويه العراق ؟!
علاء :- ممكن .
نور :- لعد شلون خلال يوم واحد اجينه بدون اجراءات ؟!
علاء :- عندي مصادري الخاصه .. التفت عليها .. ولهذا اگولچ خافي مني . رجع التفت لگدامه وهو مبتسم ابتسامته الخبيثه
ارتبكت من نظرته اللي ارعبتها ياربي هذا الانسان مبين واصل وعنده ايد بالدوله او ممكن هو بالدوله يارب خلصني من عنده ياارحم الراحمين كون ارجع ل اهلي واخلص من عنده اني لازم الگه تلفون اتصل ب امي اطمنها عني .
كانت السياره تمشي بمكان مليان زرع وورود اول مره تشوف هيج منظر جميل چانت مذهوله بالمكان
نور :- ممكن اسأل بعد سؤال ؟!
علاء :- اكيد اسأله .
نور :- احنه وين ؟!
علاء ولا كأنما سألته :- هنا موجود محمع تجاري واحد قريب راح نروحله وشوفيلچ ملابس لتهتمين للسعر شنو يعجبچ اخذي .
نور :- ليش متجاوبني ؟!
علاء وهو يركن السياره :- خليچ قريبه مني اذا ابتعدتي خطوه رجلچ اكسرها ولتتوقعين اكو تلفونات تگدرين تتصلين منها ماكو اي اتصال يوصل للعراق .
نور تحچي بگلبها :- يمه اسم الله هذا جني لو شنو شلون عرف فكرتي !!!!
علاء كأنما يسمع كلامها اللي بعقلها :- اي تره اعرف كلشي تفكرين بي ويلا نزلي .
نزلو للمجمع جان عباره عن مجمع من 3 طوابق الاول مواد غذائيه ومنزليه يعني اغراض مطبخ والثاني ملابس والثالث اثاث والعاب والحيطان عباره عن زجاج وامام المجمع ساحه لركن السيارات
دخلو المجمع وراحو حتى يتوجهون للمصعد اجتي بنت جميله وطويله حيل يعني يطلع طولها بـ 170 او اكثر شعرها اشقر وعيونها زرگ ولابسه فستان قصير نفش لونه بصلي
البنت بلغة غير مفهومه لنور :- اووو علاء ياللصدفه الرائعه .
علاء يرد عليها بنفس لغتها ومرسومه ع وجهه ابتسامه لطيفه اول مره تشوفها نور :- فعلاً صدفه جميله يابينيسا.
نور تفكر بعقلها :- اممم والله طلع مثلنه يبتسم ويعرف اللطف عبالي لا احساس ولا ضمير .
علاء وهو يلتفت على نور ويكلمها ب اللغة الانگليزيه :- نور هذي صديقتي بينيسا ويلتفت ع بينيسا وهو يخلي ايده ع ظهر نور وهذي نور .
بينيسا :- اوو هل تزوجت ؟!!!!
علاء :- لا هي احد اقاربي مات اهلها وبقت تحت مسئوليتي .
رفعت راسها تباوعله وعيونها مليانه دموع وقهر وهو مااهتم لنظراتها .
نور بالعربيه :- اسم الله عليهم يارب انت ولا همه .
بينيسا :- انا اسفه لما حدث ل اهلك عزيزتي .
YOU ARE READING
آسميتها جارية
Romanceروايتي الاولى _ تحكي قصة فتاة تضحي بحريتها من اجل ان تكسر قيود اخيها فتعاني الم الغربه وفراق الاهل تحت مسمى جارية وليس فصلية فـ ماذا سوف تفعل وكيف سوف تقضي حياتها وماهو مصيرها ؟!
