ပန်းနုရောင်သမုဒ္ဒရာ🌸

🌸19🌸

ကျောင်းလေ့လာရေးခရီးစဉ်နေ့........။

မနက်စောစောအရောင်အသွေးစုံလင်လှသောကျောင်း
သားကျောင်းသူများသည်အထုတ်အပိုးကိုယ်စီ
ဖြင့်စီးရမယ့်ကားအကြီးကြီးတွေဘေး
စုရုံးရောက်ရှိနေကြသည်။

ကျောင်းလေ့လာရေးခရီးစဉ်မျိုးဆိုတာ
ကျောင်းသားဘဝအမှတ်များစွာအနက်
အမှတ်ထင်ရဆုံးအဖြစ်အပျက်လေးဆိုလည်း
မမှားတာမို့အားလုံးသည်ပျော်ပျော်ရွှင်ရွှင်ပင်
ထွက်ခွါမည့်အချိန်အားစောင့်နေကြသည်....။

"ဟဲ့...ဟဲ့...ဟိုမှာကြည့်ပါအုန်း......"

ကောင်မလေးများသည်တယောက်ကိုတယောက်
လှမ်းပုတ်ရင်းလက်ညိုးတထိုးထိုးဖြင့်
မြင်ကွင်းတခုအားပြနေကြသည်။
ကောင်မလေးအုပ်စုနည်းတူတခြားကျောင်းသား
များသည်လည်းလှမ်းကြည့်နေကြကာ
ပြုံးမိတဲ့သူကပြုံး မဲ့သွားတဲ့သူကလည်းမဲ့ရင်း..။

ParkJiminသည်အနက်ရောင်TShirtပေါ်မှာ
နီရဲတောက်နေသောအနွေးထည်လှလှလေးကို
ထပ်ဝတ်ထားကာခရီးသွားရမှာမို့
အရောင်ပြောင်းထားသောဆံပင်တွေက
ပန်းနုရောင်တွေ...။
ကျောင်းမှာသိပ်တောက်ပပေါ်ထင်လှသော
အရောင်တွေဆိုးခွင့်မရှိသော်လည်း
ခရီးသွားမဲ့အချိန်ကျမှ ဗြုန်းခနဲလုပ်လာတာ
ကြောင့်သွားပြန်ပြင်လို့လည်းလုပ်၍မရတော့...။

Jimin ကကျောင်းစည်းကမ်းလည်းသိပ်လိုက်နာ
တတ်ပါသည်... ။

အညိုရင့်ရောင်နေကာမျက်မှန်ကိုတပ်ထားကာ
ကျောပိုးအိတ်အမဲလေးလွယ်ထားလျှက်
ကျပ်ကပ်နေသောဘောင်းဘီအနက်သည်
ခန္ဓာကိုယ်နှင့်တသားထဲ....။
ဖိနပ်ခပ်မြင့်မြင့်စီးထားကာဆံပင်တွေကို
ထိုးဖွလျှက်ထွက်လာတော့သည်။
လူတွေသည်Jimin ကိုငေးရင်း
မျက်တောင်မခတ်မိကြ...
ကျောင်းရဲ့နာမည်ကြီး....ကျောင်းပြင်ပအထိ
ပေါက်ပေါက်ရောက်ရောက်ရှိသော
အကသမားလေးပီပီ ကြွရွစွာတလှမ်းချင်း
လျှောက်လာနေသည်...။

ငိုထားရသောအရှိန်တွေ စိတ်ဖိစီးမှုတွေကြောင့်
ပါးမှာနီရဲနေသောဝက်ခြံသေးသေးလေးကလည်း
သူ့မျက်နှာ၏ထည်ဝါမှုကိုနည်းနည်းလေး
တောင်လျှော့ကျမသွား....။