بالقدر نلتقى للروائيه دينا أسامه الشوكي (كامله) 💚

الفصل الحادى عشر ♥️

الفصل________رقم_______11 من______👇

                           #بالقدر_نلتقى

أيكون الحب من اللقاء الأول ؟؟!....اينبض القلب هكذا دائما؟؟... ام أن هذا الصاعق الكهربائي الذى يصيب القلب فجأة هو الحب ؟؟....
  الحب شعور صادق بريء ...نبته تنمو بين قلبين ...ترويها مشاعر متدفقه بصدق بينهما ... الحب روحين مرتبطتين برابط الهى ..تجمع بينهما رحله سماويه نقيه الا وهى الدعاء..

     _________________________________

وبمجرد ان قال تلك الجمله وقف ناظراً لها في ذهول يتفحصها جيداً ، ف جلس بمقابلها وهو ينظر لها فقط دون كلام ثم فاق على قول ..
- انا مش عارف ليه مش قادر اعمل فيكى اى حاجه !!. ولا قادر المس شعره منك حتى !!..... ف ظل ينظر حوله بجمود ونهض فوراً وخرج من الغرفه واغلقها جيداً ورائه حتى لا تستطيع أن تهرب .

  ف نزل الى الاسفل وخرج الى الجنينه وهو يلمس شعره بذهول من ما يشعر به !.

- ببببس خلاص !!!! هى مين علشان اشغل دماغى بيها كده !. اجمد ي سيف ي حديدى !. مش حته بنت زى دى تعمل فيك كده !. تفوه بغضب وجلس على أحد الكراسى بالجنينه لينام تقريباً .

   وعلى الجهه الأخرى بمنزل صبا ..... أخذ فاروق سلوى إلى الداخل كى ترتاح قليلا .

وظلت فاتن ورنيم وماجد بالخارج بأماكنهم .

فاتن : ماجد ي بني روح انت البيت دلوقتي وناملك شويه علشان شغلك وانا هنام هنا مع رنيم لحد ما نعرف عن صبا اي حاجه .

ماجد : لا ي ماما !. مش همشى من هنا إلا لما اعرف اى حاجه عن صبا !.

رنيم : خالتو معاها حق ي ماجد امشى انت علشان شغلك واحنا اول اما هنعرف اى حاجه عنها هنبلغك فوراً .

فاتن : يلااا ي بنى !. انت شكلك تعبان اويي.

اردف ماجد وهو يتفوه بحزن ..
- طيب اول اما تعرفوا عنها اى حاجه بلغوونى فوراً .

فاتن : حاضر ي بني ., نهض ماجد من مكانه بتعب من ذاك اليوم اللعين .

  وعلى الجهه الأخرى كانت نيروز بالداخل لم تنم إلى الآن فكانت فقط جالسه شارده مكانها  فكلما تذكرت كلامه اوجعها هذا كثيراً ، فحاولت نسيان ما قاله في هذا الوقت من أجل صبا ، ثم نهضت من مكانها وخرجت إليهم .

نيروز بتساؤل ..
- هاا عرفتوا حاجه عن صبا ؟؟!.

رنيم بفقدان للأمل ..
- لا معرفناش لسه !...... عامله ايه دلوقتى؟؟!.

نيروز : تمام الحمد لله .

فاتن : رنيم ي بنتى انا هدخل اريح شويه ف اوضتك وانتى برضو ابقى تعالى ريحى علشان متتعبيش!.

رنيم : طيب ي خالتو .

  جلست نيروز  في الوقت نفسه بجانب رنيم  وهما الاثنتان مرهقتان وقلقتان بشده على صبا .