ببيت العلي تفاجأ من تغير ملامحها وبين ع شكلها انها مصدومة، مسك ايدها بخوف: نهال شفيج اخذ الفون من ايدها، لما م سمع ردها ورد: الو منو معاي الطرف الثاني: لو سمحت اخوي، صاحبة الفون تعرضت لحادث بالمحل، وهذا آخر رقم باتصالاتها رائد رفع الفون وشاف الرقم باسم <رزاني> ودرا انها رفيجتها: اوكي اخوي وين نقدر نيي قاله عن المستشفى، وسد الفون واهو يشوف نهال اخته قاعده ودموعها تنزل رائد هزها: نهال قومي مو وقتج تقعدين جذي، قومي نشوف شسالفة قامت نهال واهي تتمسك فيه وتبجي: رائد رائد شنو قالك، رزان شفيها شصار لها رائد: مادري للحين، روحي بدلي ملابسج عشان نروح نشوف شفيها، يلا بسرعه صعدت نهال بسرعه واهي تبجي، بدلت ملابسها ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلت تحت وراحت مع رائد واهي وايد خايفة على رزان اول م وصلوا، راحوا قسم الطوارئ، وسألوا عنها وراحوا بسرعه لغرفتها، وكان بنفس اللحظة الدكتور طالع نهال: دكتور شفيها رزان الدكتور: انتو اهلها! نهال: ايه انا رفيجتها، قولي شفيها شصار لها الدكتور: بالمحل اللي كانت فيه صار التماس بالكهرباء وانفجر معاهم، اهي تضررت لانها كان معاها الربو وما تحملت نهال بصدمة: ربوو الدكتور: ايه م تدرين ان معاها الربو رائد طالع نهال، ووو: زين شلونها الحين الدكتور: الاكسجين نقص عليها وايد، والحين ركبنا لها اكسجين صناعي، وان شاء الله ماكو خطورة رائد هز راسه: مشكور دكتور، بعد م راح الدكتور رائد بـ استفسار: أنتي م تدرين ان رفيجتج فيها الربو هزت راسها بلا: لا اهي م قالت لي رائد: زين قعدي هني، علما تقوم، وبعدين ندش نشوفها هزت راسها بايه، وللحين قلبها يدق من الخوف عليها
بالليل ببيت راشد الفارس ( يد فارس) دشت غرفة اختها نرجس، اللي من يوم ردت من الروضة م نزلت تقعد معاهم: نرجس وبعدين معاج رفعت راسها: طيف مالي خلق، يكفي اللي فيني طيف: وشنو فيج، شنو يعني نهاية العالم نرجس: طيف انا تعودت على هالروضة واليهال، شلون تبيني اخليهم طيف: مثل م تعودتي على هالروضة بتتعودين على غيرها، وبعدين هذي مو اول مره المديرة تزفج وجنج انتي المسؤولة مو اهي، وبعدين هذا اللي اسمه هاني اهو وبنته شيبون منج، وجنج انتي امها نرجس: طيف لا تقولين جذي، من حقه يخاف على بنته طيف: ايه بس م يلومج جذي، المهم اذا تبين نقول لفارس... نرجس: لا لا طيف تكفين م ابي توصل له، تدرين فارس شكثر عصبي وما يتفهم الامور، خلاص انسي السالفه وانا م راح اروح الروضة هذي، طيف: ايه احسن، زين يلا قومي ننزل سموي ولمى قاعدات تحت ويسألون عنج نرجس قامت معاها: يلا نزلوا مع بعض، وقعدوا يسولفون مع بعض بعد ساعة دش فارس، كان ياي من الدوام: السلام عليكم الكل: وعليكم السلام قعد يم يده راشد وقعد يسولف معاه طيف: فارس شرايك تتزوج قبل لا اسافر فارس طالعها: ردينا على هذي السالفه، جم مره قلت لكم انا م افكر بالزواج الحين نرجس: ليش إن شاء الله، نبي نفرح فييك راشد: ليش يبا فارس، انت كبرت، وخواتك بيي يوم وراح يتزوجون، لازم تشوف حياتك فارس سكت واهو مو طايق هالسالفه لمى بصوت خفيف: خلوه جذي، م نبي نتأثم باللي بتتزوجه سما دزتها: حرام عليج بعدها قام فارس: يلا سما لمى، خنروح قاموا معاه وراحوا البيت طيف: تدرين لازم نلاقي له بنت، م يصير جذي نرجس: ايه والله صار عمره بالثلاثين، وللحين مو راضي طيف بخبث: بتشوفين لو م زوجته قبل لا اسافر، م اكون طيف بنت راشد الفارس نرجس: ههههههههه
