ببيت الراشد
رزان اول م دشت حست الباب كان مفتوح،
دشت والخوف بقلببها، اول م رفعت رأسها، شافت شخص واقف يم الشباك وعاطنها ظهره، بلعت ريجها وطاحت كل اغراضها بخوف واهي تصرخ: يممممماا
التفت يمها وقرب منها وهمس: بسم الله عليج، خرعتج
رفعت راسها وللحين قلبها يدق بخوف: رائد!!
رائد هز راسه، وتكتف واهو يطالعها
رزان: رائد انت شتسوي هني، وشلون دشيت
رائد: دشيت بالباب، وبالنسبه لشنو اسوي هني ياي اشوفج
رزان شالت اغراضها وحطتها ع الطاولة
رائد لحقها ومسك ذراعها: ليش تسوين جذي
رزان ارتبكت: شسويت
رائد: لا والله، جذي يعني م تدرين شسويتي، احنا شكنا متفقين عليه قبل يومين
رزان فهمت قصده وو: م قدرت ايي
رائد ارتفع صوته: شنوو يعني م قدرتي تيين، كنت انطرج ابي اشوفج وانتي بكل برود تقولين م قدرت
رزان طالعته: لا تصرخ عليي
رائد تنهد: م صرخت عليج، بس ابيج تحسين فيني
رزان نزلت رأسها واهي تدري انها غلطانه، ع الاقل لو قالت له انها م تقدر، بس اهي اصلا تتهرب منه
رفعت راسها لما شافته قرب منها، مسك ايدها وطالع بعيونها: رزان ليش تسوين فيني جذي
رزان بهدوء: اسفة
رفع راسها وحضن ويهها بايدينه: م ابيج تتأسفين حبيبي، ابيج تكونين يمي ومعاي، انا حاس فيج خوف وللحين بعد، بس م تقدرين تنكرين اللي اشوفه بعيونج
بلعت ريجها بتوتر من كلامه
قرب منها اكثر: رزان طالعيني،
رفعت عيونها ببطء وامتلت عيونها دموع
همس لها بحنان: شفيج حبيبي من شنو خايفة
نبرة صوته خلتها تنزل دموعها، همست: مادري
حضنها له واهو حاس بكل اللي تمر فيه، ياربي شلون جذي يحسها قريبه من قلبه حيل، شلون يقرأ بويهها كل اللي تبي تقوله بدون لا ينطق لسانها، يحس انها حيل قريبه منه مع انها وايد تبتعد عنه، مشاعره ناحيتها وايد عميقه وكل هذا صار بفتره حيل قصيرة
تنهد واهو يضممها ع صدره بقوه ويتنفس ريحتها
دفنت ويهها بصدره واهي تحس بأمان عمرها م حست فيه بيوم،
كلامه لها، نظراته، نبرة صوته، حنانه، كله يأسر قلبها، ويخليها تحس نفسها طايره فووق
بعدها عنه واهو يمسح دموعها: اشش مابي اشوف هالدموع، حبيبة رائد م ابي اشوف منها غير دموع الفرح
رفعت راسها من كلمته وطالعت عيونه
سند جبهته ع جبهتها وصاروا بنفس واحد وهمس: ايه ليش تفاجأتي، انتي حبيبة رائد وقلبه وروحه وكيانه وو..
حطت اصبعها برقة ع شفايفه، واهي م تبيه يكمل، خلاص تحس نفسها مو قادره تتنفس، كلامه يحرك فيها وايد اشياء، واهي م تقدر ع جذي
باس اصبعها، ومسك ايدها: يلا حبيبي روحي بدلي، وانا طلبت لنا غدا، بنتغدا مع بعض
هزت راسها بايه، وراحت غرفتها وقلبها يدق بقوه، قعدت واهي مبتسمه، قامت بسرعه بدلت ملابسها، ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
