بعد م طلعوا من المطار
كان يتأمل ملامحها الحلوة، بس لفت انتباهه أنها سرحانه ومَو معاه، طالع المكان جدامها وانصدم واهو يشوف واحد يقرب منهم والابتسامه على ويهه: دانة
دانة اول م شافته ابتسمت وركضت له واهي تحتضنه بقوه: خلووود
فارس انصدم من اللي يصير جدامه
خالد: مو مصدق اني شفتجج، انتي ويينج
فارس راح لهم وسحب دانة: منو هذا
دانة طالعت خالد: خلود اعرفك هذا فارس زوجي
خالد: هلا والله
فارس بحدة همس لها واهو يضغط على ايدها: قلتلج منوو هذا
دانة: فارس هذا خالد اخووي
فارس رفع حاجب، ليش اهي عندها اخوو
دانة تكمل: اخوي من ابوي، اهو الوحيد اللي اعرفه، وكنت شايفته من زمان، بس الحين كبر وصار ريال
خالد: ههههههه
فارس سلم عليه، وقعدت دانة تسولف معاه
فارس للحين تنفسه عالي، وللحين يحس بغيرة واهَو يشوفها تضحك معاه وتسولف
قال بجدية: يلا دانة
دانة اخذت رقم خالد بسرعة وودعته، وراحت مع فارس
صعدوا السيارة، ودانة للحين مستانسه: وااي مو مصدقه اني شفت خالد، صج صج اشتقت له
فارس ساكت ويسمعها
دانة: كنت شايفتنه اخر مره بايام الدراسة، وبعدها م شفته ابد، ابوي مادري عنه اي شي، بس اهم شي اني خذيت رقمه صج صجج من زمان عنه
فارس تنفس بعصبية، شفيني اناا، اول م شفتها تروح له وتحضنه شنوو اللي فكرت فيه، ااه ي دانة انتي شلون جذي تقلبين شعوري ١٨٠ درجة
مادري ليش احس جذي، وقف السيارة لأنه يحس مو قادر يسوق من اللي يحس فيه بقلبه
نزل من السيارة وكان الشارع فاضي بهالمكان
قعد يشم هواا واهو يحس قلبه يعوره، قعد يتخيل لو كانت حاضنه واحد غير، شبيسوي اكيد بيين
دانة اللي تفاجأت منه، نزلت بسرعة وراحت له بخوف، مسكت ذراعه: فارس شفيك
فارس بهدوء: ماكو شي، صعدي السيارة
دانة: شلون ماكو شي، قولي شفيك ليش نزلت هني
فارس بحدة: دانة قلت لج صعدي
دانة بعناد: ماني صاعده، قولي شفييك شصار لك
فارس سكت عنها،
مسكت ذراعه: فارس حبيبي شفيك
كلمتها حركت وايد اشياء بقلبه، غمض عيونه بقووة
دانة سندت رأسها ع ذراعه واهي محتارة شفيه، شصار له
فارس اخذ نفس، ومسك ايدها: يلا تعالي
مشت معاه وصعدت السيارة، وحرك وسط هدوء دانة اللي محتارة م تدري شصار له
بالطيارة
عند نرجس وهاني
كانت متوترة حيل، اول مره تسافر مع احد غير ابوها او اختها
هاني: مرتاحة بمكانج
نرجس: ايه
هاني ابتسم وسند راسه
نرجس: هاني ليش م اخذت رفيف معانا
هاني: ههههه شهر عسل وتبيني اخذ رفيف
نرجس بحيا: بس مو حلوة تقعد بروحها
هاني: لا تحاتين اهي بييت خالتها، وبعدين اهي متعوده هناك
نرجس: هاني انا قبلت فيك وبكل شي يخصك، وبعدين رفيف انا متعودة على وجودها
هاني مسح ع خدها بحنان واهو وايد معجب بكلامها: ادري قلبي، ومثل م قلت لج لا تخافين عليها
حمرت خدودها بحيا، وسمعت ضحكة هاني
مسك ايدها وكانت بتسحبها بس اهو رفض وضغط عليها
هاني: مابي اشوف هالحيا، انا صرت زوجج
نزلت راسها واهي مو قادره تحط عينها بعينه
هاني: ههههه من اولها جذي
نرجس تغير الموضوع: اممم متى بنوصل
هاني بحنان: يبيلنا جم ساعة، اذا تبين تنامين نامي
بلعت ريجها من نبرة صوته وسندت راسها ع الكرسي، بس م ارتاحت هاني حس فيها، وحضن جتوفها وحط راسها على جتفه وهمس لها: جذي راح ترتاحين
حمرت خدودها حيل ودفنت ويهها بذراعه
هاني: هههههه الله يعيني على حياج
طقت جتفه بخفيف وسندت راسها على جتفه
ابتسم هاني وسند راسه على رأسها، وقعد يلعب بشعرها ونام معاها
