ببيت ضاري
لفت عينها شي، وانصدمت حيل، طالعته واهي مصدومه شلون شلوون، قامت له وللحين الفراش عليها: انت انت...
كان يطالعها واهو مو فاهم شي، واهَو يشوف دموعها
طقت صدره بقوه وصرخت: ياااا حقيييير
مسك ايدها وصرخ؛ هييي شفيج انتي مينونه
نجود بصدمة واهي تقط كل شي يمها: ايه ايه مينونه، اناا مينوونه مينونه لاني صدقت واحد مثلك
ضاري طقها طراق: هييي اصحي
نجود واهي تأشر على السرير: شنو هذا
طالع السرير وبلع ريجه عدة مرات
نجود صرخت بويهه: م تقولي شنووو هذا
ضاري تجتف وطالعها
نجَود واهي تطق صدره بانهيار: شلون تسوي جذي يا حقير، شلوون خدعتني وقصيت عليي
ضاري: ايه خدعتج وقصيت عليج، قلتلج اني اخذت عذريتج، بس تدرين ليش سويت جذي، عشان انتقم منج انتقم منج لما كنتي تذليني تذكرين والا اذكرج، سويت جذي عشان اتزوجج واذلج مثل م ذليتيني واخليج تحت امري
نجود تسمعه وللحين تحس بصدمة، يعني اهي تزوجته جذي، تخلت عن اهلها وما شافتهم عشان لا يفضحها بدون شي، وافقت على كل شي طلبه منها، وكل شي راح جذي
قعدت ع السرير واهي تهز راسها ودموعها تنزل، قامت بسرعه واهي تطقه بكل قوتها: اكرررهك اكرهك حقير، مالي قعده معااك شيلني بيت ابووي، طلللقني طلقني
ضاري مسك ايدها وبحدة: بيت ابوج م راح تشوفينه سامعه، هذا يزاج واقققل، راح تبقين بهالبيت مذلوله ليما تموتيين ساامعه، راح اتمين بدون احدد
قامت نجود واهي تحاول تطلع، بس اهو سحبها وقطها ع السرير: طلعه من هني ماكو، ومن يوم ورايح مكانج بهالغرفة، وانا بخذ حقي بأي وقت ابيه، اياني واياج تفكرين تسوين شي، وقتها راح تندمين صجج
وطلع وصك الباب بقوووه، ارتجفت من صراخه ومن كلامه، ارتجفت واهي تشوف دم عذريتها ع السرير، ارتجفت واهي تشوف اثار بوساته على كل جسمها
انقرفت منه ومن لمساته، طاحت ع السرير واهي تبجي بحسره على ايامها اللي ضاعت معاه
بالمستشفى
كانوا قاعدين برا ينطرونها بعد م دخلوها غرفة الفحص
سمر مسكت ايد ريماس: يما تعالي قعدي، انتي بروحج تعبانه لا تتعبين علينا الحين
ريماس: خالتي انتي م شفتيها شلوون، كانت طايحه بدون حركة
سمر: م عليه حبيبتي، ان شاء الله ماكو شي جايد، وبتقوم الحين بالسلامة
يا لهم فواز، ومد الماي حق ريماس، اخذته ريماس واهي تقعد، شربت شوي واهي تحاول تهدي نفسها
طلع الدكتور، وتيمعوا عليه
الدكتور: انتَو اهل المريضة هند
سمر: ايه دكتور شفيها، طمنا عليها
الدكتور: لازم اشوف احد من اهلها المقربين، زوجها او ولدها
ريماس طالعتهم بحيرة، واهي حيل خايفه: بس دكتور ولدها وزوجها الحين مسافرين، طمنا عليها تكفى
الدكتور: احنا عطيناها الحين مسكن وبتنام، بس اذا يقدرون ايون اهلها الحين، راح اعطيهم كشف عن الحاله، وما اقدر اقولكم اكثر عن جذي، عن اذنكم
راح الدكتور وريماس طالعتهم بخوف: اكيد فيها شي جايد، ياربي شنسوي الحين
فواز سكت واهو محتار، يبي يقول لسعود وبنفس الوقت م يبي يخرعهم
سمر مسكت ريماس: تعالي نروح البيت، قعدتنا مالها داعي
ريماس: بس خالتي....
سمر هزت راسها: لا بس ولا شي، يلا امشي
فواز: يلا ريماس، وانا بنفسي بقول لسعود
ريماس هزت راسها ومشت معاهم، واهي تحاتي خالتها، وتحس ان فيها شي جايد صج
