بـ أسبانيا
كان بيطلع لانه م يقدر يتحمل يقعد معاها
سمع صرختها واهي تناديه: سسعععددد
لف عليها وطالعها بصدمة، واهَو يشوف السجين بايدها وحاطتها ع معصمها، قرب منها: نهال شقاعده تسوين
ابتسمت وعينها بعيونه: راح اجتل نفسي وارتاااح واريحك بعد، شرايك هههههههههه
سعد صرخ: نهال عن الينون، وعطيني السجين
نهال: وخرر والا راح اجتل نفسي
سعد لانه دكتور علم نفس، طالع عيونها وحس بخوفها، قرب منها بهدوء وعيونه عليها
نهال تهز راسها بلا: لا تقررب لا تقررب
سعد قرب اكثر وسحب السجين من ايدها بَكل هدوء وهمس: تركي عنج هذا الينون، سااامعه، ولف عنها وطلع
انهارت بمكانها، خلاااص م فيها اي طاقه تتحمل
قطت كل اللي جدامها وانسدحت ع الارض، واهي تتأمل حالتها اللي وصلت لها
(( نرجع لورا قبل خمس شهور
بعد م تمت ملجتهم، راحت عشان تشوفه، اول م دشت انصدمت ان زوجها اهَو نفسه سعد، دكتور علم النفس بجامعة دانة،
م تدري ليش حست بالراحة، ودق قلبها حيل
واهي تشوفه وسامته ورزته وطوله
دشت وقعدت يمه بهدوء وبحييا
سمعت صوته الرجولي: شلونج نهال
بلعت ريجها وهمست: الحمدلله
بعدها لما قالها عن سفرهم لاسبانيا، صج كانت خايفه بس بقلبها شعور حلوو حيل، وبنفس الوقت براسها سؤال، شلووون وصل سعد لرائد وخطبها منه
م فكرت بشكل مطول، لان سعد استعجلها تييب أغراضها لا يتأخرون عن الطيارة
كانت تحس شعورها تغير بمجرد م شافته، حست انها عروس، كانت تبي تقول حق رزان ودانة وريماس بعد
تقول للكل ان زوجها سعد، بس م قدرت لانه الحين مستعيل، طلعت الخدامة الجناط وصعدوهم بسيارة سعد
ودعت اخوها رائد اللي كان حاس بتأنيب الضمير عليها، بس ريحته ابتسامتها وتفاجأ من انقلابها
وحتى فرح تفاجأت وسألتها: شالسر، شكله حب من اول نظرة
نهال ضحكت: هههههه بعدين اقولج
وبعد م سلمت عليهم، صعدت مع سعد اللي كان هادي وكان يسألها جم سوال بس بالطريج
بعدها وصلوا المطار، وانطلقوا لاسبانيا، ونهال كانت تخطط بعقلها وتتخيل وايد أشياء مع سعد،،،
بس كل هالشي راااح بمجرد م وصلوا اسبانيا، وضاعت كل امالها وتخيلاتها، سعد تركها بفندق وطلع عنها
وقطع كل أخبارها عنه وعن اهلها وكل أحد
صارت منعزله حيل، وتبي بس تعرف ليش سعد يسوي جذي
، كان ايي لها بالاسبوع مره، يطمن عليها ويطلع
سحب عنها كل شي وصارت م تقدر تكلم اهلها، بس اهو كان يعطيها تكلم رائد كلمتين بس شلونك وشخبارك
م قامت تشوفه، وقعدت وحيدة بالفندق، م قدرت تطلع أبد
احتارت شسالفته، بس م قدرت تعرف شي
مر عليها شهر، شهرين، ثلاثه، اربعه، خمسه شهور واهي ع حالها، ضعفت حيل وقامت م تاكل
بس للحين سعد م رحمها ولا قالها شيبي منها، صارت منقطعه عن كل أحد، وصارت كأيبة حييل))
تنهدت تنهيده طويلة وغفت بمكانها بعد البجي، واهي تعبانه خلاص من كل شي
يوم جديد
صباح يوم الجمعة ،
ببيت الجابر
كان ماسك ايدها: يلا قلبي تبين شي
ريماس: لا تتأخر حبيبي
باس ايدها: من عيوني الغاليه
طلع سعود، صعد سيارة فواز اللي كان ينطره برا
فواز حرك، وطالعه بنص عين: ساعه علما تطلع
سعود: ههههه شسوي رموس م رضت تهدني
فواز: عاد انت م تقدر تقاومها
سعود تنهد: شسووي احبها
فواز: هههههه عاد انت رايح فيها كلشش
سعود ابتسم واهو يطالع الطريج، وصلوا للمكان المقصود
ونزلوا مع بعض
فواز بابتسامة: ما شاء الله
سعود: أخيراً مو باجي شي ويكون جاهز
فواز: ايه والله الحمدلله، بس صج التصميم شي
سعود: افاا عليك عيل شلون صرت مهندس معماري
فواز طقه: ههههههه امش امشش بس
دشوا مع بعض، بيت سعود واهم يدققون بكل تفاصيله المميزة اللي أخيراً صارت جاهزة الا من اللمسات البسيطة
فواز بابتسامة: شررايك
سعود باعجاب: صراااحة روعه، م هقيت ان ذوقك جذي
فواز: لأنك دايم ظالمني، شرايك بهذا
سعود واهو يشوف الأثاث اللي كان على ذوق فواز: صج صج رووعه، حبيت الالوان وكل شي
فواز: احم احم تسلم والله
سعود: هههههه اقول بسس اسكت، تصدق عاد حيل متشوق لردة فعل ريماس اول م تشوف البيت
فواز: ايه والله اكيد بتستانس
سعود: بس تصدق، امي وايد متغيره الحين معانا، م ادري اذا بتقدر تخليها
فواز: مردكم بتطلعون بيت بروحكم، يعني الحين والا بعدين نفس الشي
سعود: ايه والله، الا اقول انت لين متى بتقعد جذي
فواز طالع نفسه: ليش شفيني
سعود: م تبي تتزوج وتشوف عيالك
فواز تنهد: خلها ع الله ياخووي
سعود طالعه: للحين تفكر فيها
فواز: قصدك لولوو مو، لا خلاص لولوة مالها مكان بقلبي
سعود: زين شرايك اخطب لك رزان، تراها حلوة
فواز: لااا يبا، انا للحين م افكر بالزواج
سعود: ترا امي سمر دايم تلمح لك، وبعدين اهي ملت من الوحدة، تبي تشوف مرتك وعيالك
فواز: الحين انت شتبي فيني، ياخي للحين مو مستعد
سعود: زين زين بكيفك، بس صدقني الزواج حلوو
فواز: ايه زين الله يهنيك، تعال نشوف داخل بسس
سعود هز راسه باستسلام، وراح معاه
