ببيت الفارس
قامت نرجس واهي خايفة على دانة حيل، بس وقفت بمكانها واهي تسمع صرختها: لاااااااااااا
وطاحت من طولها، شهقت نرجس وراحت لها واهي تبجي
هاني انصدم لان صوتها طلع، م يدري يفرح الحين والا شنوو، شالها ع ايده وطلعت معاه نرجس اللي تبجي
مدها بالسيت اللي ورا، ونرجس ركبت جدام
هاني متوتر من بجيها وبنفس الوقت خايف على دانة: خلاص نرجس لا تبجين إن شاء الله ماكو شي
نرجس حاولت تهدي نفسها وقعدت تدعي له بقلبها
وصلوا المستشفى، وشالوا دانة وحطو لها المغذي عشان تسترد وعيها
هاني: خلج معاها، انا بروح اشوف فارس
نرجس بدموع: لا هاني تكفى ابي اشوفه
هاني تنهد وكان بيرفض بس م قدر جدام دموعها
سألوا عن غرفته وراحوا له، بنفس الوقت طلع الدكتور
هاني: دكتور شلون فارس
الدكتور: لا فارس الحمدلله بخير وبعافية
هاني ابتسم: الحمدلله، نقدر نشوفه
الدكتور: ايه اكيد، عن اذنكم
راح الدكتور، وهاني طالع نرجس: يلا ندش
نرجس: متأكد اهو يتكلم عن فارس، عيل شلون يقولون انه تعرض لطلق ناري
هاني: تعالي ندش وراح نفهم كل شي
دشوو مع بعض، وكان فارس متمدد ع السرير
راحت له نرجس وطاحت ع صدره تبجي
فارس مسح ع شعرها: اشش خلاص انا بخير
هاني: الحمدلله على سلامتك، شصار معاك
فارس: الله يسلمك، بآخر المهمة تفاجأنا ان المجرم ورانا، وطلق علينا كم طلقة
نرجس: وانت شلونك
فارس: لا تحاتين، صج الطلقه يات بصدري بس انا كنت لابس سترة تحمي من الرصاص
هاني: الحمدلله، اهم شي عدت
فارس: عيل وين دانة مو معاكم؟
نرجس طالعت هاني، وفارس خاف: دانة فيها شي
هاني تنهد: اول م سمعت الخبر اغمى عليها
فارس: وشلونها الحين
نرجس: الممرضة معاها وحطو لها مغذي
حاول فارس يقوم: بروح اشوفها
هاني: خلك لا تتعب نفسك بالأول راح اشوفها اذا صحت، وبعدها روح لها وشوفها
فارس هز راسه، طلع هاني ونرجس قعدت عند فارس
بمستشفى ثاني
كانوا قاعدين ينطرون الدكتور يطلع من غرفتها
رائد: شفيها اهي شصار لها
نهال: مادري فجأة جذي، كنت اقولها عن وصية ابوي بزواجك، ولما طالعتها كان ويهها متغير
رائد بلع ريجه: وانتي شلون تقولين لها جذي
نهال: مادري لما سألت عنك قلت لها، وبعدين شفيها اذا قلت
رائد: منو قالج اصلا اني راح اتزوج
نهال بحدة: شنو يعني راح تكسر كلام ابوي
رائد: خلاص نهال مو وقته الحين
بنفس اللحظة طلع الدكتور، قام رائد: شلونها الحين
الدكتور: حطينا لها اكسجين، والحين احسن
رائد: مشكور دكتور، تعالي ندش
سمعت صوت فونها: امبيه هذي ريماس اكيد تبي رزان، دش انت علما اكلمها
هز راسه واهو م يبي هالمواجهه الحين، دش بهدوء
وشافها متمددة ع السرير، ومبين عليها الضيج
قعد يمها شال ايدها وباسها: الحمدلله ع سلامتج قلبي
سحبت ايدها ونزلت دموعها
تنهد: رزان قلبي انا ابيج انتي م ابي غيرج
رزان: هذي وصية ابوك، واكيد م راح تكسر كلمته
رائد نزل راسه بحيرة وضيج
رزان لفت الصوب الثاني وتركت دموعها تنزل براحة
دشت نهال، وراحت حق رزان: الحمدلله ع السلامه حبيبتي
رزان: الله يسلمج
نهال: شفيج ليش تبجين
رزان: لاني تعبت من الدنيا، وتعبت من كل شي
نهال: افاا ليش تقولين هالكلام
رزان سكتت واهي حيل متضايجة
رائد انسحب من المكان وطلع وقلبه معوره
نهال: صج اتصلت ريماس تسأل عنج، تقول انها دقت عليج بس م رديتي عليها
رزان: شقلتي لها
نهال: ماكو، قلت لها دشت تسبح، وصج اهي ردت مع سعود بعد م تفاهمَوا مع بعض
رزان هزت راسها: زيين
