بنفس الليلة ببيت الفارس لمى بصدمة: انتي شقاعده تسوين سوسن سوسن: شفيج لمى م سويت شي، هذي هديتي لج لمى: هدية!! ليش انتي م تدرين يعني سوسن: اذا عشان اخوج م راح يشوفه، خشيه بالغرفه عندج، وما اظن اهو يدش يفتش بغرفتج لمى: مو جذي سوسن، شحقه م تبين تفهمين، وبعدين منو قالج انا محتاجة للفون سوسن: حبيبتي، انا مو قصدي شي، بس عشان اتواصل معاج، إذا معانا واجب نقعد نحله مع بعض بس جذي لمى: شكراً سوسن، مابيه اخذيه معاج سوسن مسكت ايدها: لمى شفيج، ترا شي عادي، وبعدين انتي مو لازم تكونين عليه طوال الوقت لمى تنهدت: وبعدين انا ماعرف استخدمه سوسن ابتسمت: وانا وين، راح اعلمج عليه وبعدين حده سهل، وترا رقمي فيه سوسن بتفكير: شرايج انام معاج اليوم ونقعد نسهر واعلمج على كل شي فيه لمى ابتسمت: اووكي
ببيت البدر كانت قاعده بالصالة واهي تفكر نزل هاني بعد م نامت رفيف، وراح يمها وقعد: شفيج من اول م ييتي وانا احسج كله سرحانه وتفكرين دانة طالعته: اممم خالي ابي اكلمك بموضوع هاني: ايه قولي اسمعج دانة: اليوم قبل لا اروح بيت ريماس، دقت عليي نرجس وقالت تبيني بموضوع مهم هاني ينطرها تكمل: اييه دانة: التقينا بالافنيو، وقالت لي انهم بيون باجر اهي واهلها هاني بدون فهم: ليشش دانة: اممم يبون يخطبوني لولد اخوهم هاني سكت بتفكير: اممم وانتي شرديتي عليها دانة: مادري للحين محتارة، انت شرايك خالي هاني: انا من رأيي خليهم ايوون نتعرف عليهم، وبعدها فكري وراح نسأل عنهم اكثر دانة ابتسمت: إن شاء الله هاني قام بابتسامة: يلا عيل انا عندي جم شغله بخلصها وبعدها بنام، تصبحين على خير دانة: وانت من اهله خالي راح هاني، ودانة دزت مسج حق نرجس، وبعدها قعدت تفكر وتحس نفسها من الحين متوترة
صباح يوم السبت ببيت الجابر كانت قاعده واهي تفكر، سعود للحين م قال لريماس اي شي، وقاعده تشوف الحب بينهم يكبر: اففف نزلت نجود من فوق: هااي ماما، كانت لابسة
Deze afbeelding leeft onze inhoudsrichtlijnen niet na. Verwijder de afbeelding of upload een andere om verder te gaan met publiceren.
ام سعود: الناس يقولون صباح الخير، وبعدين على وين نجود: بروح اتسووق ام سعود: كل يومين والثاني تروحين تتسوقين، ليش شعندج نجود: يما بسافر مع رفيجاااتي ام سعود بصدمة: شنووو، ومنو سمح لج إن شاء الله نجود بدلع: باباا ام سعود قامت ومسكت ذراعها: سفر ماكو سامعة نجود: ليشش يما ليش، وبعدين ابوي وافق خلاص ام سعود: قلتلج ماكو سفر يعني ماكو نجود: يما شفيج عليي، يعني انتي الحين معصبه من احد وتردينها عليي ابو سعود بهاللحظة نزل ع صراخهم: شفيكم نجود: يبا شوف امي مو راضيه اسافر ابو سعود: وليش مو راضية ام سعود: شنو يعني كل يوم والثانية واهي مع رفيجاتها، ولا هالمرة سفرر ابو سعود: انا وافقت وخلاص، يلا مع السلامه طلع بو سعود، ونجود طلعت معاه عشان لا تسمع كلام امها زيادة الحين ام سعود قعدت واهي تهز ريلها بتوتر نزل سعود وقعد يمها: صباح الخير يما ام سعود: صباح النور سعود: شفيج يماا فيج شي ام سعود: مرتك امس متى رجعت من بيت اهلها سعود: بحدود الساعه ١ بليل ليشش ام سعود: انا كنت قاعده، وشفتها لما دشت، وسألتها ليش متأخرة تدري شلون ردت عليي سعود يطالعها ام سعود تكمل: قالت لي انتي مالج شغل فيني، وريلي يدري وقعدت تعلي صوتها عليي سعود: يما من صجج، ريماس م قالت لي اي شي ام سعود: شنو يعني قاعدة اجذب عليك أنا، كل اللي قلته لها ان سعود ينطرج من زمان وانتي متأخرة واهي هبت بويهي سعود: خلاص يما انا راح اكلمها، واخليها تعتذر منج ام سعود ابتسمت وحطت ريل ع ريل، واهي تشوف سعود صعد لجناحه
