رجعوا البيت بوقت متأخر، بعد م تمشو ع البحر
م شافوا سمر ولا خالد قاعدين
فواز طالعها: معقوله ناموو
ريماس: مادري روح شووفهم
راح فواز لغرفة امه، فج الباب بهدوء، ابتسم واهو يشوف امه سمر نايمه وبحضنها خالد
طالع ريماس وهمس لها: تعالي
قربت ريماس منه، وطالعتهم وابتسمت: قلبي والله
فواز يسد الباب: دامهم نايمين، خل نصعد دارنا
ريماس: بس بشيل خلودي، اخاف يقوم يبجي
فواز مسك ايدها: م راح يبجي البطل، م عليج منه
ريماس: اووف فواز ابي ولدي
فواز: منو ولدج، م اشوف احد، يلا يلا روحي نامي
ريماس طالعته بنظرة زعل، ولفت عنه وراحت تصعد
فواز ارتبك من نظرتها، بس راح لها بسرعه، وما حست نفسها الا واهي طايره بحضن فواز
صرخت بخرعة: هييي فواازوووه
فواز واهو يصعد: ههههه فوازووه موو، انا اوريج
ريماس واهي تطقه: هييي نزلي مو كيفك
فواز: جججب لا اقطج الحين
ريماس ضربته بقووه: لا تقولي جججب
فواز صررخ: بسسس
ريماس رجفت وسكنت بحضنه، فواز ابتسم وكمل يصعد ليما وصل فوق واهو يشوفها هاديه
فواز يتحرش واهو ينزلها: ي حلو الهادين، ايه جذي بعد شايلينكم وجسمنا متكسر من ثقلكم وتصارخون
ريماس طالعته ورفعت حاجب: احسسن
فواز دق قلبه واهو يشوفها جذي، راح لها بسرعه وشالها وركض فيييها
ريماس صج هالمره اخترعت: يممممما لا فوازز
فواز ضحك: هههههههه تستاهلين
قطها ع السرير واهي تصرررخ
فواز تمدد يمها واهو ميت من الضحك: ههههههههههههههه
ريماس قامت واهي تطق صدره بقهر: لا تضحك لا تضحك لا تضحك اووووف
فواز مسك ايدها: بسسس
ارتجف جسمها، ياربي شفيه هذا بس يخوفها، لما يصرخ تخترع صج لان ملامحه كلها تتحول
م تدري ليش حست بالدموع تتجمع بعيونها، قامت بسرعه وطلعت بالبلكونة وجسمها يرجف من البرد
والدموع تنزل من خدها، شفيها ليش تبجي، معقوله خايفه من مشاعرها جدام فواز، والا قاعده تذكر نفسها بسعود وتبجي عليه، او انها صايره حساسه وايد هالايام
م تدري شفيها، مسحت دموعها بحدة بس دموعها تزيد
فواز اللي كان واقف يطالعها، حس انه زودها معاها، مهما كان اهي أنثى وزوجته
مرت عليه نسمه هوا بارده خلته يرجف
قرب منها وحضنها من ظهرها، يحاول يدفيها
اهي م عارضت بالعكس سندت راسها ع صدره
همس باذنها: تعالي ندخل، لا تبردين
هزت راسها بهدوء بلا، واهي ع نفس وضعها
ضمها اكثر واهو يدفي جسمها، همس: شفييج
ارتجفت م تدري من البرد والا قربه منها والا همسسه: مادري
هز راسه بايه وقعدوا ع هالحال دقايق
حس ان الجو اكثر برد، بعد عنها ودش داخل
اهي حست انها فقدت شي، م تدري ليش ببالها كانت تبي تقوله لا تروح خلك معااي،،، بس م قدرت
مرت ثواني، ورجع فواز وبايده كمبل
قعد ع الكرسي اللي بالبلكونة: ريماس تعالي
طالعته وابتسمت واهي تشوفه مغطي نفسه
راحت له بتردد، كانت بتقعد يمه، بس بآخر لحظة، راحت وقعدت فوقه وبحضنه
فواز غمض عيونه ودقات قلبه زادت، م توقعها تقعد جذي، بس م اعترض واهو يغطيها ويضمها بقووه
حست بالدفا وابتسمت واهي تلزق نفسها فيه
همس لها واهو يشيل شعرها الناعم: دفيتي
هزت راسها بايه وتحس بحرارة بجسسمها
قعد يمسح بايده ع شعرها وجسمها ويدفن ويهه برقبتها ويستنشق ريحتها واهو يتنهد
كانت ميته من الحيا واهي تحس بحركاته، بس بنفس الوقت مستانسه حيل وتحس بالحياة رجعت لها
فواز يبي يغير جوهم: اووف ريماسوه ترا مت من البرد
ريماس: زين روح دااخل، شحقه قاعد
فواز طالعها بنظرة: لا والله، وانتي
ريماس بدلع عفوي: انا عااادي
فواز قبص خدها: ايه واضح عادي من هالخدود الحمر
ريماس غصب ضحكت واهي تشوف تعابير ويهه: هههههههه
فواز انقهر: ججب
طالعته بنظره: جم مره قلتلك لا تقول جب
بلع ريجه وصج ارتبك، م يدري شيصير له معاها، يحس نفسه يختبص حييل
ريماس ابتسمت وردت تسند راسها ع صدره، وقلبها يدق حيل، معقوله صار يتأثر منها
فواز ضمها واهو غرقان فيها، همس: ريماسي
صج هالمره م قدرت تتحمل، لا تصير جذي تكفى، ترا والله م اقدر، غصب سعود ايي جدامي وجني قاعده اخونه، بس انا حددي مرتاحه معاك بس شسوي
م قدرت تحبس دموعها، وقامت من حضنه ودشت داخل، قطت نفسها ع السرير ودموعها تنزل
فواز اللي دش، وسد باب البلكونة، راح لها واهو حاس فيها، شلون م يحس واهو نفس الاحساس بقلبه، كل م يبي يتقرب منها يحس انه قاعد يخون سعود، بس يا ناس هذي زوجته وحلاله، غصب عنه يتصرف جذي
اهي تجذبه بكل حالاتها، اااه بس ااه
قرب من السرير وتمدد يمها، صارت اهي جدامه، وعاطتنه الظهر، قرب منها وحضن خصرها وقعد يمسح ع شعرها
شهقت ودموعها تنزل، تبي حضنه والله تبيه
فواز همس: تكفين لا تبجين
لفت عليه وقطت نفسها بحضنه: فواز ضمني
فواز حضنها بحنان: م طلبتي عمري،
بجت بحضنه براحة، واهي تدفن ويهه بصدره العريض، بجت وبججت ليما حست بالراحة
رفع رأسها وباس جبينها؛ ارتحتي
هزت راسها بايه واهي تمسح دمووعها
فواز برقة؛ زين قومي بدلي ملابسج وتعالي
طاوعته وقامت، دشت داخل، بدلت ولبست
