عند رزان
رجعت ع ورا بخوف، واهي تشوفه يتقرب منها أكثر: انت هييي اطلع برا لا اصرخ الحين
العامل: ماكو احد، كله نوم
رزان تجمعت الدموع بعيونها وصرخت: وخررر عني
العامل مسك ايدها واهي سحبتها بسرعة وصرخت: نهااال، راااائد لحقووو علي
العامل بخبث: انا اقول ماكو احد مني كله نووم
قرب منها اكثر وطالع عيونها بخبث وسحبها له
بهاللحظة دش رائد اللي كان بالمسبح، وسمع الصراخ وانصدم: يااا حقييير
هجم عليه وطقه طققق، وما حط فيه عظم صاحي
رائد: يا حقققييير ي واطي شلون تسوي جذي
رزان قاعدة تحت وتبجي بدون احساس
استوعبت بعدها وقامت بسرعه ومسكت رائد: خلااااص راح يموت بين ايديك خلاص
رائد رفسه بقوة: قووم مابي اشوفك هني، اطلع برا وشل قشك ورووح، قووم
قام العامل بسرعه واهو يتألم وطلع برا
رائد صرخ بويهها: انتي شتسوين هني
اخترعت رزان ودموعها تنزل وللحين خايفة: اهئ قمت قمت من النووم، وقلت اتمشى اهئ اتمشى بالحديقة، وشفت المكان وقلت ادخل، انا م سويت شي، اهو دش وتهجم عليي
رائد شد شعره، شلون لو سَوا فيها شي، واهي ببيتهم، شلون راح يتصرف بعدها: اففف
مسكت ايده: رائد انا مالي ذنب، اهو دش هني انا م كنت ادري والله م كنت ادري
رائد اللي كان حده متنرفز، سحب ايده واهو حاقد حيل على العامل، ويحس يبي يطقه زياده: خلاص روحي داخل
رزان بدموع: مابي نهال تدري
رائد بحدة: انا اللي اقولج مابي نهال تدري بهالشي، ويلا دشي داخل
هزت راسها بايه، وطلعت واهي تبجي
اما رائد قعد وللحين يحس بقهر من اللي صار
الظهر
ببيت الخالد
بعد الغدا
كانوا قاعدين يشربون شاي، ريماس تسولف مع سمر، وسعود يسولف مع فواز
سمر: شلون هند معاج
ريماس تنهدت: مادري خالتي، يعني م نقعد مع بعض، وإذا شافتني بمكان بتطلع منه
سمر تنهدت: الله يهداج ي هند مادري لين متى بتم جذي
ريماس: م عليه خالتي، انا مرتاحة صدقيني، وسعود مو مقصر معاي
سمر: الله يخليكم لبعض حبيبتي
قطع عليهم سعود: يلا حبيبتي نمشي
فواز حط ايده ع قلبه بمزح: اااه لا تقول حبيبتي، تدري انا للحين عزابي واتأثر
الكل: هههههههههه
سعود طق جتفه: زين روح تزوج وارتاح
سمر: والله لو يبي، من الحين اقَوم ادور له
فواز بمزح: لا لا يما خليني جذذي مرتاح، وبعدين تدرين ان سعود من اليوم يشكيلي يقول ليتني م تزوجت
ريماس فجت عيونها
َوسعود قام له: انا قلت جذي يالنذل
قام فواز قبل لا يوصله: يماااا لحقي ولدج
سمر: ههههه تستاهل، عشان م تطلع عليه كلام
فواز راح يم ريماس: زَوجة اخي انقذيني، انه يتهجم عليي
ريماس استحت، بس ماتت من الضحك على كلامه: ههههههه ولا يهمك راح انقذك، م راح ايي صوبك
سعود طالعها بنص عين: لا والله، جذي يعني
سمر قعدت تضحك عليهم، يهال م راح يتغيرون، غصب عنها نزلت دموعها واهي تتذكر بو فواز
سعود اهو اول من شافها وراح لها، مسك ايدها: يما شفيج
فواز وريماس انتبهوا عليها وراحوا
سمر ابتسمت من بين دموعها: ماكو شي يما
فواز: يما ليش تبجين، شفيج
سمر: تذكرت ابوك، ولما كنتوا تتناجرون وانتوا يهال
فواز نزل راسه، وسعود حضن أمه: الله يرحمه يما، ويخليجج لنا يارب، تاج فوق راسنا
حضنته بقوة: ويخليكم لي حبيبي
حضنها فواز وصارو الاثنين بحضنها،
ريماس ابتسمت بحنان واهي تشوفهم جذي
سعود بمزح واهو يحاول يغير الجو، طق فواز: هييي بس قوم عيبك الجو موو
فواز بمبالغة وجنه ياهل يبجي: يممماااا شووفي سعود، كله يطقني بس يطقني اااا
سعود فج عيونه: شنوو انت ياهل
سمر مسحت دموعها: ههههه ياربي بسكم لا تسوون جذي
قام سعود ومسك ايد ريماس: تعالي حبيبتي خنروح، هذا اذا قعدت معاه زيادة راح يرتفع ضغطي
فواز طالعه بنص عين: ليش قالولك ملح
سعود: الملح له فايدة، مو نفسك بس جذي خسارة أكسجين
ريماس: ههههه حرام عليك
فواز: ايه ايه ضحكي، وانا اللي مخليج تدافعين عني
سعود بغرور: حبيبي زوجتي تدافع عن زوجها بس، روح تزوج وخل زوجتك تدافع عنك
فواز بصوت عالي: يمممماااا زوجيني
سمر ضحكت: هههههههه م تيوز انت
سعود ضحك: ههههه يلا عيل احنا نستأذن
سمر: الله معاكم يما، ديرو بالكم ع بعض
سعود: إن شاء الله، مع السلامة
فواز وسمر: بأمان الله
