سوري على التأخير
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ببيت العلي
بجناح رائد وفرح
كانت تشوف ايده اللي محتضنه بشي، قربت اكثر وانصدمت وحست برجفة بكل جسمها
بلعت ريجها وسحبت الصوره، وقعدت ع السرير وللحين مصدومة حيل، رائد يحب وحده، رائد يحب
والصدمة مو اي أحد، هذي رزان رزان رفيجه نهال
همست بصدمة: شلوون
قعدت دقايق واهي على حالها، م تدري شلون تتصرف، تحس نفسها مو عارفه تفكر ابد
قامت من مكانها بهدوء، رجعت الصوره بمكانها بايده، وطلعت برا وقعدت بصالة الجناح
نزلت دموعها واهي تضم ريلها لصدرها، بجت حيل، الحين درت ليش رائد بعيد عنها، ليش وافق ع طلبها بكل سهولة بأول يوم لهم، شلون ايي بليل متأخر اااه يا رائد
بالغرفة
فتح رائد عيونه، واهو يشوف الصوره بايده، تنهد وبنفس الوقت حس بالقهر من نفسه، شلون للحين يفكر فيها
اهي اللي تخلت عنه، وقالت له م تبيه، م تمسكت فيه ولا دافعت عن حبهم اااه ي رزان
طالع يمه وما شاف فرح، تنهد اكثر، يحس انه ظالمها، م يقعد معاها ولا يسولف
مهما كان اهي الحين زوجته، وقبل لا تكون زوجته اهي بنت عمته، غمض عيونه بحيره، يحس بكل شي قاعد يضغط عليه
قام من مكانه، ودخل الصوره بمكان آمن
دش ياخذ شاور، لبس وطلع مشط شعره وتعطر
طلع الصاله، وانصدم واهو يشوفها قاعده تبجي، راح لها بسرعه قعد يمها: فرح شفييج صاير شي
فرح زاد بجيها وقعدت تشاهق
عوره قلبه عليها، قرب منها وحضنها: اشش فرح خلاص لا تبجين جذي، شفييج قوليلي
فرح طقت صدره بقهر: وخرر عني وخر ما ابيك
انصدم وبلع ريجه: ليش فرح
فرح بالم ودموع: وتسأل ليشش، بعد تسأل، انت من شنو مخلوق، شلون تقدر تسوي فيني جذي شلوون
مسك ايدها واهو يحاول يهديها: فرح فهميني، قوليلي شفيج ليش تقولين جذي
فرح حطت عينها بعينه: رزان
انصدم ونزل راسه، يعني اهي درت برزان
لمحت بعيونه دمعه، زاد بجيها اكثثر
رائد همس: فرح انا اسف
قامت فرح من مكانها واهي مو متحمله اكثر
بس رائد مسكها وقعدها: م راح تتحركين ليما افهمج
فرح قعدت واهي تحس م فيها قوه، وما تقدر تعارض
رائد: من اول م عرفت رزان وانا احبها، كنت بكلم نهال عنها، بس بنفس اليوم يات عمتي وقالت لنا الوصية
حاولت اكلم نهال، بس م قدرت لأنها كانت حيل مصره، رزان بذاج الوقت استسلمت وخلتني، وقالت لي تزوج
انا اسف فرح، بس انا تزوجتج غصب عني، بس صدقيني م كنت ابي اظلمج معاي
فرح تبجي بقوه واهي تسمع كلامه
حاوط جتوفها ودفن ويهه برقبتها وبصوت كله الم: فرح انا تعبااان حيل، فرح علميني احبج، شيليني من هالمعمعه، مو قادر اتحمل اي شي فرح
فرح م قدرت تسوي شي الا انها تحضنه وتبجي معاه
ضلوا جذي لعدة دقايق، وبعدها رائد رفع راسه بابتسامه ومسك ايدها: فرح تروحين معاي
لمعت عيونها وهمست: وين
رائد: بدون لا تسألين اي شي، قومي بدلي ملابسج وتعالي
فرح: بسس...
قاطعها: اششش ناطرج
قامت فرح واهي تمسح دموعها، دشت بدلت ملابسها ولبست
