بالمستشفى
دانة شهقت بصدمة واهي تشوف هذا الشخص، متأكدة انها شايفته، نفس الهيئة والشكل
فارس: دانة شفييج
دانة طالعته: ماكو شي حبيبي، بروح دورة المياه
فارس هز راسه بايه، واهي راحت يم الشخص اللي كان بعيد عنهم بحيث م يشوفه فارس: لو سمحت
الشخص: نعم اختي
دانة: ممكن نتكلم شووي
الشخص رفع حاجب: بس انا م اعرفج
دانة واهي تضغط باسنانها: بس تعرف لمى موو
ارتبك ووو: شتبين
دانة: شقاعد تسوي هني، مو كفايه اللي سويته فيها
أحمد: م سويت لها شي،
دانة: وبحالتها هذي بعد م سويت لها شي، انا بنفسي شايفتك بعيوني لما كنت معاها
أحمد بعصبيه: شنوو يعني انا اللي دعمتها، وبعدين انا مالي كلام معاج، انا سمعت بالحادث وييت اشوفها
دانة ضحكت باستهزاء: هههههه انا م اتكلم عن الحادث ي بابااا، روح اسأل الدكتور شفيها
أحمد عقد حواجبه: ليشش شفيها
دانة: اكتشف ان فيها مرض الايدز
انصدم احمد وفج عيونه: شنوو
دانة بهدوء: روح اكشف عن نفسك انت بعد
انصدم اكثر واهو يتخيل هالشي، مستتتحييل
دانة راحت عنه وتركته بصدمته، كان قاعد يرجف معقوله اهوو بعد مريض، لا لاااا
ركض بسرعه وصعد سيارته واهو يتوجه لبيت سوسن
اول م وصل، فتح الباب بقووه
قابلته سوسن اللي كانت تنطره: خلاص ارتحت شفت حبيبة القلب
أحمد: سوسن مو وقته هالحجي، امشي معاي للمستشفى
سوسن رفعت حاجب: ومنو قالك اني ابي اشوفها
أحمد بحدة: سوسن قلتلج امشي معاي
سوسن صرخت: مابي اشوفها روح بنفسسك
احمد تأفف وقرب منها: سوسن مو وقتج الحين، لازم نسوي فحص ونكشف عن نفسنا
سوسن: اي فحص! وليش نكشف عن نفسنا شفينا
أحمد بهدوء: لمى مصابه بالايدز
شهقت سوسن بصدمة: شنووو
أحمد: هذا اللي صار، والحين لازم نتأكد
سوسن هزت راسها بايه، وراحت تبي تصعد غرفتها تبدل، بس فجأة وقفت واهي تقلب الافكار ببالها
ردت له: أحمد شمعناة هالكلام
احمد طالعها باستغراب: اي كلام
كانت تطالعه وبعدها صرخت واهي تهجم عليه وتطقه ع صدره بعنف: انت شمسوووي شمسوي هاا
احمد تفاجأ واهي تطقه بكل قوتها، وخرها بقوه وصفعها طراق: شفيييج ينيتي
سوسن بعدت عنه واهي تطالعه: مع منو سويتها غيرنا
أحمد مو فاهم: شنوو اهي
سوسن بصراخ: لمى ماكو احد لمسها غيرك، وإذا صارت مصابه بهالمرض يعني منككك
احمد انصدم وطالع نفسه
سوسن: مع منوو سويتها غيرنا مع منوو
أحمد ارتبك وحاول يطلع، بس سوسن مسكته واهي تصرخ: انا حبيتك تدري شنوو يعني، كنت اشوف نظراتك حق لمى واسكت عشان لا تفشل خطتي، وانت تسرح وتمرح ع كيفك
أحمد: سوسن انا م توقعت يصير جذي
سوسن بصدمة: يعني انت كنت تتسلى فيني
أحمد رمى الكلام بويهها: ايه انا كنت م احبج ولا اطيقج، وماخذج تسليه مثل م قلتي، ولمى لمى احبها حييل، غيرتني ١٠٠ درجه، صرت م اقدر اتنفس بدونها
هزت راسها بلا واهي منصدمة من كلامه
احمد يكمل: لما كنت اسافر، مارست مع جم وحدة اجنبيه، وانتي كنتي معاهم، بس بعد لمى مابي احد
سوسن واهي تمسح دموعها: عيل مبروك عليك، روح افحص نفسك قبل لا تمووت
صعدت سوسن واهي تبجي، اما أحمد م قدر يروح المستشفى، حيل خايف من النتيجة
