بعد مرور اسبوع ـــــــــــــــــــــــــــــــــــــــــــــــــــــــــــــــــــــــــــ ببيت الجابر دشت غرفتها وشافتها قاعدة ع السرير كعادتها، وبإذنها السماعات ومو دارية عن الدنيا، ولابسة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نجود اول م شافتها قطت السماعة واهي تنطر شتبي منها ام سعود: اقول انتي م تملين جذي نجود: يعني لما اقعد بحالي م يعجبكم ولما اطلع بعد م اعجبكم شتبوني اسوي يعني ام سعود: اقول عن طواله اللسان، شكلج نسيتي اللي قايله لج عنه نجود بملل: شنوو اهو ام سعود: مازن ولد أم مازن نجود: اوووه يما قلتلج م ابيه مو موافقه ام سعود باستهزاء: ليش تبين السايق نجود ارتبكت: اي سايق بعد ام سعود: لا تسوين نفسج م تدرين عن شي، ضاري خطبج من ابوج، شوفي اخرتها سايق نجود بلعت ريجها وسكتت ام سعود: اشوفج سكتي، اكييد عاجبج وتبينه نجود: يما شهالحجي، وبعدين انا م قلت لج ابيه ام سعود: زين قومي ابوج يبيج نجود بخوف: شيبي ام سعود: ينطرج تحت، قومي بسرعة لا يعصب، وطلعت نجود بلعت ريجها واهي حيل خايفه لا يكون ضاري قال لابوها شي عن اللي صار عدلت نفسها ونزلت تحت، شافت ابوها قاعد، راحت له وباست راسه وقعدت يمه بو سعود: علامج صار لي يومين م شفتج نجود: ماكو يبا، مالي خلق انزل بو سعود: غريبة مو متعوده م تطلعين من رفيجاتج وتسافرين نجود: ماكو احس مليت وقلت اقعد بالبيت بو سعود بجدية: زين ليش رافضة مازن بلعت ريجها: مادري يبا، بس مو مرتاحة له بو سعود هز راسه واهو يحط ايده ع لحيته ويفكر نجود ارتبكت وكانت تبي تقوم، بس م تدري ليش خايفة بو سعود طالعها: شرايج بضاري حست برجفه بجسمها: شقصدك يبا بو سعود بجدية: ضاري خطبج مني نجود نزلت رأسها وسكتت بو سعود: ضاري م عليه كلام، صج اهو عنده اخو واحد، بس اهو شايل نفسه بنفسه، انا صج مابي احد ياخذج واهو مو مقتدر وما راح يقدر يسعدج، بس ضاري اقنعني نجود بلعت ريجها وبنفسها خوف لا يكون قاله عن اللي صار بو سعود: والحين ابيج تقولين لي رايج، لان ضاري مستعيل بلعت ريجها عدة مرات وتحس برجفة: الشور شورك يبا بو سعود: وانا قلتلج رايي والباجي عليج نجود خذت نفس: موافقة يبا بو سعود: الله يوفقج يبا نجود قامت: عن اذنك يبا صعدت دارها واول م وصلت قطت نفسها ع السرير واهي تبجي بقهر لان غرورها طاح جدام ضاري، والحين صج راح تكون ذليلة جدامه
