بعد مرور ٢٥ سنة ـــــــــــــــــــــــــــــــــــــــــــــــــــــــــــــــــــــــــــ
كانوا كل العوايل مجتمعين بمزرعة عمر الجابر (بو سعود)، اللي شراها وكتبها باسم ولد ولده خالد... بعد م تعرفوا اكثر على بعض، قرر يشتريها وتصير فيها الجَمعة، طبعا كانت المزرعة حيل كبيره وواسعة وبو سعود رتبها بحيث سوا اقسام كثيرة عشان تكفي لكل عايلة اذا قعدوا فيها بالايام ومن غير الاقسام الاضافيه، اللي تكون للخدامات والسواويق وغير اللي كانت فاضيه، اذا احد زارهم كان مرتب كل شي، وصاروا بكل شهر يتيمعون فيها ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالليل بالمزرعة من امس كانوا مجتمعين بالمزرعة، وبو سعود قالهم اليوم بيسوون بالليل حفلة ع شرف تخرج ولد ولده الغالي خالد بن سعود، ويبي الكل يطلع ويكون جاهز، طبعا الحين الكل بأقسامهم يتجهزون ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بـ قسم عائلة فواز وريماس خالد ٢٥ سنة، لانا ٢٠ سنة، نور ١٥ سنة ريماس كانت قاعده تبخر ولدها خالد، ودموعها بعيونها واهي تحس بفخر واهي تشوف ولدها متخرج طبعآ تخرج قبل شهر، بس اهم اتفقوا يسوون له الحفلة بالمزرعة ويعزمون الكل خالد طالعها وباس راسها: لا تبجين يالغاليه ريماس مسحت دموعها: شلون م ابجي يما، وانا اشوف ولدي الغالي تخرج ورفع راسي حضنها بحنان: يعله دوم مرفوع يالغلا ابتسمت واهي تغمض عيونها، جنها تشوف سعود فيه، صار نسخه منه بكل شي، ونفس تصرفاته رفعت رأسها: عقبال م اشوفك معرس حبيبي خالد: ان شاء الله يماا قطع عليهم صوت لانا: يلا ماماا نبي نطلع، كانت لابسة
Oops! This image does not follow our content guidelines. To continue publishing, please remove it or upload a different image.
خالد: ياربي وصلت الدلوعه فواز اللي كان وراها، حضن جتوفها: حدك عاد الا دلوعتي لانا حركت حواجبها تقهر خالد ريماس: اصلا منو مدلعها غيررك انت خالد غمز حق لانا: شكلها الوااالده تغار طقته ريماس واهي للحين تحس بحيا من نظرات فواز لها فواز: اقول يلا خذ خواتك وروحوا ليدكم ( بو سعود) خالد ضحك وطلع اهو واخواته لانا ونور فواز قرب حق ريماس وحضن خصرها: للحين تستحين من فواز م تغيرتي بلعت ريجها: فواز خنطلع لا نتأخر فواز بابتسامه: اول طالعيني ريماس رفعت عينها وبعدها نزلتها بسررعه: فوواااز ابتسم ومسك ويهها بايده: احبج ريماسيي غمضت عيونها من حلاوة الكلمة اللي كان يقولها لها كل يوم تقريبآ، وللحين تحس م تشبع منها، أصلا م تدري شلون حبته وعشقته بظرف شهر بسس، بس صج فواز فاز عليها بحنانه وحبه ورجولته وتفهمه للأمور غصب عنها عشقته وسلمته كل م فيها، همست وقلبها يدق بعنف: وانا احبك حست ببوسته الحاره على عنقها: اااه ي اجمل قسمة حب رفعت عينها اللي تلمع له وكررت بتعجب: قسمة حب! ابتسم: اييه انتي قسمة حبي، من يصدق راح تكونين انتي زوجتي، ولا حبيبتي بعد، من يصدق راح يصير كل اللي الحين صار، ابتسمت واهي تهز راسها بايه، فعلا من يصدق يموت سعود ويكتب لها بالوصيه انها تتزوج فواز وجنه كان حاس محد راح يسعدها غيره، فعلا اهو صار نصيبها وقسمة حبها، حطت رأسها ع صدره واهي مو قادره تعبر ابد فواز حضنها وبمرح: رموس ترا ابي بيبي، بس تعبت من كثر م ادلع عيالج صاروا طولي ضحكت برقة واهي تطق صدره: شنوو بيبي وانت شايب رفع حاجب: لا والله انا شايب، شرايج اوريج شكل الشايب هذا على السريير حمرت خدودها وبدلع: فوووااز يلا خنطلع تنهد واهو يمسك ايدها: الوعد بعدين ي حلووو ابتسمت وتمسكت بذراعه ولزقت فيه بحب، وطلعوا مع بعض
