ببيت الفارس للحين بذكريات دانة ( انصدمت وما توقعت يسوي جذي، واهي تحس بالماي من كل صوب ايي لها، صرخت بقهر: فارسس فارس اللي كان يضحك عليها، لانه فتح الماي الدايركت اللي يسقي الزرع يكون مثل النافورات ضحك واهو يشوف دانة بالنص، ومن كل اتجاه شي نافورة دانة واهي شوي بتبجي: خلاصص فارس قفل الماي، وراح لها طقت صدره بقوه بقهرر: حرام علييك فارس تجتف: لا والله واللي سويتيه فيني دانة طالعته بزعل، وراحت عنه ودشت البيت ابتسم فارس، وراح اهو بعد يغير ملابسه اللي كلها ماي دش واخذ ملابسه وراح الحمام الثاني، بعدها رجع وشاف دانة لابسة الروب وتنشف شعرها بلع ريجه وراح لها: الحين انتي اللي بديتي وانتي اللي زعلانة دانة واهي مستانسه انه يكلمها، قالت بدلع: مابي لا تكلمني فارس ابتسم: زين يبا اسف دانة م توقعت أن فارس يعتذر، طالعته واهي منصدمه فارس بهدوء: شفييج دانة واهي تشيل ملابسها: ماكو شي دشت غرفة تبديل الملابس، وللحين مصدومة معقوله هذا فارس اللي يتحجون عنه، تحسه م فيه اي عصبيه، ويضحك ويسولف ولا بعد يعتذر، بدلت بسرعه ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت وشافته لابس، قعدت تتأمل طوله وهيبته فارس: انا بطلع شوي، تبين شي دانة وأهي م تبيه يروح بسس: سلامتك) رجعت من أفكارها، واهي تبتسم، صج فارس غير، ولو قالت لخواته او عماته عن هذا الموقف اكيد م راح يصدقون دش فارس وشافها: شفيج اليوم كله سرحانه رفعت عينها وطالعته: ماكو شي راح ع السرير وقعد يمها: للحين زعلانه هزت راسها بلا ووقالت اللي كان بأفكارها: فارس انت غير فارس عقد حواجبه: شلون يعني دانة: قالو لي انك هادي وغامض، وما تسولف وراح اتعب معاك علما تتعود عليي فارس قام من مكانه وجنه م يبي يسمع شي اكثر: عندي مكالمة مهمة من الدوام، بطلع شوي طلع فارس، ودانة طالعت مكانه باحباط، صج انها غبيه شلون تقوله هالكلام، تحس انها غلطت لما قالت له اكيد الحين راح يتغير عليها، تمددت ع السرير وقعدت تفكر فيه، ونامت بدون لا تحس واهي تنطره
يوم الاثنين الصباح بالجامعة بعد م خلصوا محاضرتهم الأولى، راحوا قعدوا مع بعض رزان واهي تقط ملفاتها: وااي اووف نهال واهي الثانية تقعد: هههههههه رزان: شنو هذا الدكتور، افف حيل انغثيت منه نهال: وااي سكتي، انت شدخلك اذا انا م حضرت صج ملييق رزان: هههههه ايه والله، ولا حاط علينا طول المحاضرة نهال: لاعت جبدي صجج، صج رزون انا بروح الحين الشركة رزان عقدت حواجبها: ليشش نهال: لازم اشوف رائد امس م نام بالبيت، وابي اعرف كل شي بالتفصيل عن اللي يصير، لازم أوقف معاه رزان هزت راسها: اممم اوكي، بتتأخرين نهال: لا برجع على المحاضرة الثانيه رزان: اووكي، يلا روحي نهال قامت: اوكي، اذا تبين شي دقي عليي طلعت نهال من الجامعة واهي رايحة للشركة وصلت الشركة، وعدلت نفسها، كانت لابسة
