ببيت الراشد
رزان اول م فجت الباب، تلاشت ابتسامتها، وشهقت: هئ ريماس شفيج
دشت ريماس واهي تبجي من قلب
يابت لها ماي، وقعدت يمها: شصاير
ريماس ببجي: سعود
رزان: شفيه سعود، ريماس تحجي
ريماس: سعود شك فيني وطردني
رزان بصدمة: شنوو، شلون وليش يسوي جذي
ريماس قعدت تبجي بانهيار، قامت رزان واهي تضمها: خلاص حبيبتي لا تحاتين اكيد سعود فاهم غلط،
ريماس واهي تهز رأسها: م يثق فيني
رزان: اششش خلاص حبيبتي، كل شي راح يتصلح
بجت ريماس بحرقة، وبعدها نامت بحضن اختها
رزان واهي تشوفها جذي، شكلها حيل يكسر الخاطر، مددتها ع الكنب ويابت لها كمبل، غطتها واهي تبي تعرف شصار بينهم، اول مره تشوف اختها جذي
بالليل
قاعد وفكره بعيييد، يحس نفسه تايه
حس بأحد يحط ايده ع جتفه: خلاص سعود
سعود بتنهيده طويلة: اااه ي فواز انا محتار
قعد يمه: كل شي بينحل صدقني، بس انت هدي بالك
سعود: تعبت فواز، تعبت من كل شي، شسوي اناا
فواز: خلاص سعود، سوي مثل اللي قلته اطلع ببيت بروحك، ومنها بترتاح من المشاكل
سعود: وانا جذي مقرر وراح ابدأ اجهزه
فواز: وريماس
سعود تنهد: راح اروح لها واتفاهم معاها
فواز: يعني صدقتها الحين
سعود: راح اخذ الصج منها، ريماس بعمرها م جذبت عليي
فواز: زين قوم الحين، امي تحاتيك وتبي تشوفك
سعود قام: يلاا
يوم جديد
الصباح
بييت الجابر
جهزت نفسها، وكشخت ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت من دارها، ونزلت تحت، شافت ابوها وامها قاعدين: صباح الخير
الكل: صباح النور
نجود: يبا دق على ضاري ابي اطلع
طالعها باستنكار: مو قايله م تبينه ورجعه المؤسسة
نجود: يبا شسوي، احتجت له، يلا كلمه
بو سعود هز راسه، ودق عليه، قعدت نجود تنطر وبعدها سمعت صوت الهرن،
ام سعود: كم يوم بتقعدين
نجود: مو وايد يما باجر برد
ام سعود سكتت، ونجود قامت: يلا عن اذنكم
طلعت وشافته ينطرها، صعدت: هاااي
ضاري: اشوف ردت لج الحاجة
نجود: ايه ردت شسوي، م احب اقطع رزق احد
ضاري باستهزاء: هه، على وين
نجود: حرك حرك للشاليه
حرك واهو منقهر من اسلوبها اللي م راح يتغير،
وصلوا الشاليه، ونزلت نجود ومعاها ضاري شايل الأغراض، شافت رفيجاتها يطالعون، اكيد يبون يشوفون ضاري
رفعت حاجب باستهزاء: بنات شتسووون
وحدة من رفيجاتها: شنو بعد نبي نسبح ننطرج، الا اقول والله م الومج نجودوه اذا م قدرتي تخليينه، صراحه اينن
وحدة ثانية: وانتي الصاجه شكلها حبته
الكل: هههههههههههههههههههههههه
ضاري رفع حاجب من وقاحتهن واهو يحط الأغراض
نجود ردت عليها: ليش حبيبتي شايفتني داااون عشان انزل لتحت، واحب مثل هالاشكال
ضاري قط أغراضها وطلع بعد هالكلام، صج انها حقيررة، بس وين بتروحين ي نجود انا وراج
